“بؤیوک آنتیک شهر، میلاددان سونرا ۷۵۰ ائله ۸۵۰ ایللری آراسیندا ۳۰-۵۰ مین آداما ائو صاحبلیگی ائتمیش اولا بیلر”
مکزیکین یوجاتان یاریم آداسینداکی یاغیش مئشهلرینده آنتیک مایا مدنیتینه عایید بیر شهرین قالیقلاری کشف ائدیلدی.
علم اینسانلاری، کامپچه ایالتیندهکی گور بیتکی اؤرتوسو آلتیندا باسدیریلمیش قالان یاپیلارین خریطهسینی چیخارماق اوچون لیزر شعاعلاریندان ایستیفاده ائدرک بنالارین اوزاقلیغینی اؤلچمهیه یارایان اوزاقدان تانیما و گؤسترمه تکنولوژیسی “لیدار”دان (ایشیق تانیما و مسافه تعیین ائتمه) فایدالاندی.
ایشلر نتیجهسینده، آنتیک مایا مدنیتیندن قالما بیر شهرین قالیقلارینی کشف ائدن آرکئولوگلار، “والریانا” آدینی وئردیکلری شهرده، اکینچیلیک ساحهلری، ایدمان ساحهسی، آمفی تاتر و هرم بنزری یاپیلار تاپدی.
آراشدیرمانین یازیچیلاریندان لوک آولد-توماس، کشف ائدیلهن ساحهنین اسکاتلندین پایتاختی ادینبورگ قدر بؤیوک اولدوغونو ایفاده ائدرک “بؤیوک آنتیک شهر، میلاددان سونرا ۷۵۰ ائله ۸۵۰ ایللری آراسیندا ۳۰-۵۰ مین آداما ائو صاحبلیگی ائتمیش اولا بیلر” ایفادهسیندن ایستیفاده ائتدی.
آراشدیرمانین بیر باشقا یازیچیسی پروفسور مارسلو کانوتو دا شهرین چؤکوشونه و سونوندا ترک ائدیلمهسینه نهیین گتیریب چیخاردیغینی هله بیلمهدیکلرینی آنجاق ایقلیم دییشیکلیگینین کیلید سببلردن بیری اولا بیلهجگینی سؤیلهدی.
ایشین دآیرینتیلارینا “آنتیکویتی” ژورنالیندا یئر وئریلدی.
مایا مدنیتی
مایا مدنیتی، مکزیکین جنوب-شرقیندن، هندوراس، السالوادور و گواتمالایا قدر اوزانان بیر بؤلگهده حؤکم سورموشدو.
میلاددان اول ۴۰۰لو ایللرده بؤیویوب اینکیشافا باشلایان و میلاددان اول ۶۰۰ده یوکسلیشه گئچهن مدنیت، میلاددان سونرا ۲۵۰-۹۰۰ ایللرینده قیزیل چاغینی یاشامیش و ایسپانیالیلارین ایشغالییلا سونا چاتمیشدی.
مایا شهرلرینده ائدیلهن آراشدیرمالار، مدنیتین آسترونومی، ریاضیات، معماری و صنعت کیمی بیر چوخ ساحهده چوخ ایرلی سویهیه چاتدیغینی گؤستریر.
More Stories
بحران مرز بازرگان؛ پای زنگهزور در میان است؟
دیوان لغات التورک یونئسکو-نون ایل دؤنوملر لیستهسینه داخیل ائدیلیب
گونش، سولار ماکسیموم مرحلهسینه گیردی