نئنگیری وادیسینده ۴ فرقلی نؤقطه‌ده ۱۳ اهنگ‌داشی ماغاراسیندا آپاردیقلاری آراشدیرمادا ۱۶ نفرین اسکلتی تاپیب
مالزی‌نین کئلانتان ایالتینده آپاریلان قازینتیلار زامانی یاشی ۱۶ مین ایل اولدوغو دوشونولن اینسان اسکلت‌لری تاپیلیب.
«لیو ساینس» سایتینین بیلگیلرینه گؤره، نئنگیری وادیسینده قازینتی آپاران آرخئولوقلار اؤنملی کشف ائدیبلر.
مالزی میللی اونیوئرسیته‌سیندن پروفسور زولیسکندار راملی‌نین رهبرلیک ائتدیگی قروپ نئنگیری وادیسینده ۴ فرقلی نؤقطه‌ده ۱۳ اهنگ‌داشی ماغاراسیندا آپاردیقلاری آراشدیرمادا ۱۶ نفرین اسکلتی تاپیب.
آرخئولوقلار قازینتیدا تاپیلان ان قدیم اسکلتین ۱۶ مین ایل یاشی اولابیله‌جه‌یینی دوشونورلر.
مالزی‌نین رسمی خبر آژانسی بئرناما-نین بیلگیلرینه گؤره، نئنگیری وادیسینده آرخئولوژی ایشلر ۲۰۲۲-جی ایلین مارس آییندا باشلاییب و ۲۰۲۳-جو ایلین اکتبر آییندا باشا چاتیب. وادیده‌کی ان اؤنملی تاپینتیلاردان بیری‌ده “گوا کئلئدونگ کئجیل” آدلی ماغارادا تاپیلان و یاشی ۱۴-۱۶ مین ایل اولدوغو تخمین ائدیلن تام اینسان اسکلتی‌دیر.
پروفسور راملی، “بو (تام اسکلت)، اؤلکه‌ده تاپیلان تام اَییلمیش وضعیت‌ده اولان ان تام و ان قدیم اسکلت‌دیر” دئدی.
آشکار ائدیلن اسکلتلرین چوخونون بؤلگه‌نین نئولیتدن اؤنجه‌کی کولتوره عائید اولدوغونو بیلدیرن راملی، اسکلتلرین ۱۵-نین اَییلمیش و یا تام اَییلمیش وضعیت‌ده، بیر اسکلتین ایسه دوز باسدیریلدیغینی بیلدیریب.
آپاریلان آراشدیرمالار نتیجه‌سینده دفن ائدیلن یاستی اسکلتین نئولیت دؤورونه عائید اولدوغو معین ائدیلیب.
آراشدیرماجیلار اسکلت قالیقلارینین اووچو-توپلاییجی هوابینهیان مدنیتینین بیر قولونا عائید اولدوغونو دوشونورلر.
مطالب جالب
بررسی اظهارات تکان‌دهنده دونالد ترامپ و تهدید به کشتار جمعی
آی‌دا وولکانیک ماده‌لر تاپیلدی
حق عضویت امسال ایران در سازمان ملل 19 میلیون دلار تعیین شد