«عاشق امراه» داستانیندان بیر قوشما

دئدیم: شهلانه دی؟ دئدی: گؤزومدی

دئدیم: شکر نه دی؟ دئدی: سؤزومدی

دئدیم: آلما نه دی؟ دئدی: یوزومدی

دئدیم: اؤپمک اولار؟ سؤیله‌دی: یوخ، یوخ!

دئدیم: اینجی نه دی؟ دئدی: دیشیمدی

دئدیم: کمان نه دی؟ دئدی: قاشیمدی

دئدیم: لیمون نه دی؟ دئدی: دؤشومدی

دئدیم: اممک اولار؟ سؤیله‌دی: یوخ، یوخ!

دئدیم: سیاه نه دی؟ دئدی: تئلیمدی

دئدیم: شربت نه دی؟ دئدی: دیلیمدی

دئدیم: اینجه نه دی؟ دئدی: بئلیمدی

دئدیم: قوجماق اولار؟ سؤیله‌دی: یوخ، یوخ!

دئدیم: قولاج نه دی؟ دئدی: قولومدی

دئدیم: اوزاق نه دی؟ دئدی: یولومدی

دئدیم: امراه کیمدی؟ دئدی: قولومدی

دئدیم: ساتار میسان؟ سؤیله‌دی: یوخ، یوخ!”