نشریه الکترونیکی ائل اوبا

و من آیاته خلق السّموات و الأرض و اختلاف ألسنتکم و ألوانکم إنّ فی ذلک لآیات للعالِمین

محمد بن حنیفه احوالاتی


لینک مطلب : http://eloba.ir/?p=3732

ائل اوبا – محمد حنیفه جنابلاری احوالاتدان خبر توتدوقدا قارداشی حسینین خدمتینه گلیب « قارداش ، منیم یانیمدا سن هامیدان عزیزسن» دئدی :

« سنی هامیدان آرتیق سئویرم . سندن باشقا بیر کیمسه منیم نصیحتیمه لایق دئییلدیر. معاویه اوغلو یزیده بیعت ائتمه ییب شهرلردن چیخ.

ائلچیلر وسیله سی ایله خالقی اؤزونه چاغیر. اگر خالق سنه بیعت ائدرسه تانریا شکر ائدرسن ، یوخسا آللاه دینینی و عقلینی آزالتمایاجاقدیر.

قورخورام بیر شهره یا خود اؤلکه یه گئده سن جمعیتین بیر تعدادی سنین لهینه باشقا بیر تعدادی ایسه علیهینه اولا نتیجه ده توققوشما باش وئره.

سن ایسه غرضلرین بیرینجی نشانی اولاسان. و بئله لیکله اؤزونه آتا – آناسینا گؤره ان یاخشی شخصین قانی باتا .امام حسین علیه السلام « قارداش مدینه دن گئدیرم » دئدی.

محمد حنیفه عرض ائتدی: مکه ده دوش . شرایط ال وئریشلی اولارسا اوردا یئرلش یوخسا چیخ دوزلره و داغلارا و او قدر بیر اؤلکه دن باشقا بیر اؤلکه یه گئتگیلن خالق سنین نظرینی بیلسین. بئله بیر حالدا یقین کی نظرین دوز عزمین ایسه گؤجلو اولاجاقدیر.

ایشدن خبرسیز قالمازسان ایشلر سنه چتینلیک تؤرتمیه جکدیر.

امام حسین علیه السلام بویوردو: مهربانلیقلا منه نصیحت ائتدین قارداشیم نظرینین مؤحکم و اوغورلو اولدوغونا امید ائدیرم .

قایناق : کربلا ماجراسی ، روایت : ابو مخنف لوط بن یحیاداندیر ، نشر ائدن : اسلامی تبلیغات تشکیلاتی ، تدقیقاتچی : شیخ محمد هادی یوسفی ، چئویرن : شیخ عباس امامی کرکوکلو ، دیجیتال یاییمجیلیک : ائل اوبا