ائل اوبا – بئله لیکه عبيد الله بصره ده ن چیخیب مسلم بن عمرو باهلی و شریک بن حارثی و اطرافينداکيلار و اهل بیتی ایله کوفه یه يوللاندى. نهایت باشیندا قارا عمامه و اوزونده نقاب کوفه یه گیردی.
کوفه اهلينه امام حسین علیه السلامين گلجه گی خبری گلدیگینه گؤره اونلار امامین انتظارینی چکیردیلر. زیاد اوغلو ایسه نقاب اورتمکله اؤزونون کیم اولدوغونو گیزلتمک ایسته ییردی.
بئله لیکله کوفه اهلی اونو امام حسین بیلیب سالام اولسون سنه ای پیمغبر بالاسی دئیه خوش گلدین اندیردیلر. او ملعون ایسه اهالینین بوجور یاناشماسيندان آجیقلانیردی. او خالقین امام حسینه اولان هوسیندن آجیقلانیب اصحابینا دئدی: بونلاری ذهنیمده تصور ائتدیگیم کیمی گؤرورم.
اهالی چوخالديقدا مسلم بن عمرو باهلی اوجا سسله دئدی: ای جماعت بودور امیرینیز عبید الله بن زیاد .
بونونلا کوفه لیلرین قلبينه قورخو چوکوب کدرلندیلر. نهایت زیاد اوغلو الاماره ساراینیا گیردی. ائرته سی گون منادی الصلوة الجماعة (جماعت نامازی) نیداسی وئردی.
او دؤورون عادتینه گؤره اهمیتلی بیر حادثه باش وئردیکده اهالینی جماعت نامازینا چاغیراردیلار. بو چاغریشی ائشیدنلر ایسه مسجده توپلاشیردیلار.
اهالی مسجیده توپلانديقدا زیاد اوغلو منبره چیخدی. آللاها حمد و ثنادان سونرا دئدی:
اميرالمؤمنین یزید بن معاویه ( آللاه اونو اصلاح ائتسین) منی سیزین شهرينیزه والی تعیین ائتمیشدیر. او منه بویورق ائتمیشدیر کی ، مظلوملارا انصاف ائده م. محروملارا باغیش وئره م. سؤزه باخیب اطاعت ائده نه احسان ائده م. خالق آراسیندا شبهه تؤره دیب آیریلیق سالیب عيصانا چاغیرانلارا چنینلیک توره ده م.
من امیرالمؤمنین امرینی اجرا انديره م. بويون اگنلره اوره یی یانان آتایام. اوخوم و قیلینجیم عهديمدن چیخیب مخالفت ائده نلر اوچوندور.
هر کس اؤزونو گورومالیدیر (یزیده عصیان ائتمکدن چکیندیرملیدیر) الصدق ينبئى عند لاالوعيد
سونرا منبرده ن ائندی و حؤکومت آداملارینی و دیگر آداملاری شدتله مؤاخذه ائدیب دئدی: منیم اوچون بو شهردہ کی غریب آداملارین آدینی یازین.
امیرالمؤمین یزید بن معاویه نی ایسته ینلرین و حروريه طرفدارلارینین همده شبهه لی و فتنه فساد تؤره تمک ایسته نیلرین آدینی یازین.
هر کیم اونلارین آدینی یازارسا برائت قازاناجاقدير. یوخسا الى آلتینداکیلارین و قوناقلارینین بیزه مخالف اولمادیغینی ضمانت انتمليدير.
بو ایشی گؤرمه ین کیسمه نین عذرو يوخدور. اونون مالی و قانی بیزه حالالدير.
بیرینین یانیندا امیرالمؤمنین یزیدین دوشمنی تاپیلارسا ، اؤز قاپیسی قارشیسیندا آسیلاجاقدير. عطاسی کسیلیب عمان دیارینا سورگون ائديله جکدیر.
قایناق : کربلا ماجراسی ، روایت : ابو مخنف لوط بن یحیاداندیر ، نشر ائدن : اسلامی تبلیغات تشکیلاتی ، تدقیقاتچی : شیخ محمد هادی یوسفی ، چئویرن : شیخ عباس امامی کرکوکلو ، دیجیتال یاییمجیلیک : ائل اوبا
مطالب جالب
تواشیح ؛ غیر از علی (ع) که خوانده محمد (ص) برادرش
اسماء الحسنی به زبان ترکی
علت مهلت دادن خداوند به «ظالمان»