دونیانین ان بؤیوک کسیلمیش قارا آلماسی ساتیلدی

“دونیانین ان بؤیوک کسیلمیش قارا آلماسی” اولاراق بیلینه‌ن دگر‌لی داش، ۳ میلیون ۱۶۱ مین استرلینگه ساتیلدی.

اینگیلیس مزایده ائوی ساتبیزین اینگیلتره‌نین باشکندی لندن‌ شعبه‌سینده‌‌کی آچیق آرتیرمادا، “انیگما” آدی وئریله‌ن و اوزرینده قیمت‌لی داشلار اولان بیر آسترویدین ۲،۶ ایله ۳،۸ میلیارد ایل اؤنجه دونیایا دوشمه‌سی ایله اولوشدوغو دوشونوله‌ن قارا آلماس، کریپتو پوللا آلیندی.

آلان شخصین آدی آچیقلانمادی.

اسکی صاحبی طرفیندن ۱۹۹۰.جی ایللرده ساتین آلیندیغیندا ایشلنمه‌میش حالی ۸۰۰ قیراط آغیرلیغیندا اولان انیگما، ۳ ایللیک بیر ایشلمدن سونرا ۵۵۵،۵۵ قیراطلیق سون حالینی آلدی.

اورتا دوغودان الهام آلیناراق نخل شکلینده کسیله‌ن انیگمانین تخمیناً ۳-۵ میلیون استرلینگه ساتیلماسی گؤزله‌نیلیردی.

آمریکا قیمت‌لی داشلار انستیتوسو طرفیندن “دونیانین ان بؤیوک طبیعی رنگلی قارا آلماسی” اولاراق گؤستریله‌ن و ۲۰۰۶دا دا گینس رکوردلار کیتابینا “دونیانین ان بؤیوک کسیلمیش آلماسی” اولاراق گیره‌ن انیگما، ان گوجلو آلماسلاردان بیریدیر.

قایناق : تورکیه رادیو تلویزیون قورومو رسمی وب سایتی