قاضی اوغلو

ائل اوبا – یوزو آی پارچاسی گیبی اولان امام حسنین اوغلو صاواش میدانینا اندی.

و سعد اوغلو عسکرلریله صواشماغا باشلادی گنج قاسم اولاردان بیر نئچه نفری ئولدوردو. داها صونرا دوشمان عسکرلرینین بیریسی ، قاسیمین باشینی بیر قیلیج وورماغیلا یاردی .

قاسم یئره دوشتو جانینی اللها ویردی

امام حسین بیر ییلدیریم گیبی میدانا اندی ، یارالی اولدوغو حالدا یاراسینی آرامایان بیر آسلان گیبی ده دوشمان اوردوسونا هجوم ایتدی.

قاسیمی ئولدوره ن ظالمی ئولدوردو.

امام حسین علیه السلام گنج قاسیمین باشی اوستونده دوردوغو حالدا بویوردو :

« سنی ئولدوره ن جماعت اللهین رحمتینده ن اوزاغ اولسون . اللها آند اولسون ای قارداش اوغلو ، عمینی چاغیردیغندا جواب ویرمه مه غی و یا جوابینین سنه بیر فایداسی اولماماغی ، عموجانا چوخ آغیر گلیر. اللها آند اولسون بو سه س دوشمانی چوخ ، و یاردیمچیسی قالمامیش کیمسه نین سه سیدیر.»

داها صونرا قاسمی یارالی باغرینا باسیب قالدیردی شهیدلرین چادیری اوگونه گه تیردی. علی اکبرین یاسی بیتمه ده ن قاسم ایچین اهل بیتین آروادلاری قیزلاری بیر یاس قوروب سازلادیلار آغلادیلار یوز باشلارینا چالدیلار ……….

 

من بو دنیادا نه یلیریم جانیم وارکه ن

یارینین حق منبری قانیمدان جان صوراجاغ

یه شه رده ریم هر زمان هر ییری قانیم وارکه ن

آرخامدا گله ن گونلر بو یولدان قان صوراجاغ

 

قایناق : کربلا اولایلاری – یازان : قاضی اوغلو – عربجه مقرم مقتلینده ن سه چمه لر

ائل اوبا

Print Friendly, PDF & Email