نشریه الکترونیکی ائل اوبا

و من آیاته خلق السّموات و الأرض و اختلاف ألسنتکم و ألوانکم إنّ فی ذلک لآیات للعالِمین

تهران سالدیریلاریندا شهید اولانلارین ساییسی آرتدی


لینک مطلب : http://eloba.ir/?p=2076

حادثه ایله ایلگیلی 6 آدام توتوقلانارکن، ایران انقیلاب گؤزتچی‌لری عربیستان و آمریکانین سالدیری‌نین مسئولو اولدوغونو بیلدیردی

ائل اوبا – ایرانین باشکندی تهراندا دونن تشکیل ائدیلن ترور سالدیری‌لاریندا حیاتینی ایتیرن‌لرین ساییسی 17یه یارا‌لی‌لارین ساییسی ایسه 50نین اوزرینه چیخدی.

سالدیرقانلارین گوونلیک کامئرا‌لارینا دوشن یئنی گؤرونتو‌لری ده یایینلاندی.

ترور هؤرگوتو داعشه قاتیلمیش ایران وطنداشی اولدوق‌لاری تثبیت ائدیلن 6 تروریستدن 5نین موصول و رقه‌ده‌کی چاتیشما‌لارا دا قاتیلدیغی تعیین اولوندو. تروریست لرین بیر نئچه سی ایرانین باتی بؤلگه لریندن اولدوغو ، اونلارین کورد دیلینده دانیشماقلاریلا آیدین لاشیر.

تروریست‌لرین 2016.جی ایلده ده ایراندا سالدیری گیریشیمینده اولدوق‌لاری آنجاق باشاری‌سیز اولما‌لاری‌نین آردین‌دان اؤلکه‌نی ترک ائتدیک‌لری قید ائدیلدی.

حادثه ایله ایلگیلی 6 آدام توتوقلانارکن، ایران انقیلاب گؤزتچی‌لری  عربیستان و آمریکانین سالدیری‌نین مسئولو اولدوغونو بیلدیردی.

بو آرادا آمریکا پرزیدنتی دونالد ترامپین سوسیال مئدیا‌دان یاییملادیغی باش‌ساغ‌لیغی مئساژی‌نین مضمونو تهران رهبرلیگینده تپکییه یول آچدی.

(ترامپین مئساژی: “ترورون دستکچی‌سی اؤلکه‌لر، دستکلدیک‌لری شیطانین قوربانی اولما ریسکی آلتیندا‌دیر”)

ایران خاریجی ایشلر باخانی جواد ظریف، سوسیال مئدیا اوزرین‌دن ترامپین مئساژینا وئردیگی جاوابدا آمریکا پرزیدنتی‌نین یاناشیمی‌نین صمیمیت‌سیز اولدوغونو ایفاده ائتدی.

 

تهران