ابو مخنف لوط بن یحیاداندیر

ائل اوبا – معاویه نین وصیتی ، معاویه علیه اللعنه اؤلوم خسته لیگینه دوشدوکده اوغلو یزیدی ایسته ییب دئدی : اوغول ، سنین سفر زحمتینی آزالدیب بوتون شئیلری تسللوطونه گتیرمیشم.

دوشمنلرینی ذلیل و عرب قوومنون بوینونو بورموشام ، هامینی سنین اطرافینا توپلامیشام.

قورئیش ائلیندن دؤرد نفردن باشقا سنه قارشی چیخماقدا هئچ کیمدن قورخمورام. او دؤرد نفر بونلاردیر:

1-حسین بن علی

2-عؤمر اوغلو عبدالله

3-زوبئیر اوغلو عبدالله

4-اوبکر اوغلو عبدالرحمن

عؤمر اوغلو عبداللانی عبادت یوروب ، او تک قالارسا سنه بیعت ائده جکدیر. لاکین عراق اهلی علی اوغلو حسینی (ع) اؤز طرفلرینه چاغیریب انقلاب ائتمگینی ایسته رلر. اگر امام حسین سنه قارشی قیام ائدیب مغلوب اولسا احترامینی ساخلاییب ضرر یئتیرمه چونکی اونون نسبتی پیغمبره چاتیر و بوینوموزدا حاققی وار.

ابوبکر اوغلونا گلدیکده ، کؤمکچیلری بیر ایش گؤرسه اودا او ایشی گؤرجکدیر. اونون عیاشلیقدان و قادیندان باشقا بیر فیکری یوخدور.

زبیر اوغلو ایسه ییرتیجی بیر حیوان چنگه سینی یئره ووروب قارشیندا دایانار.

او همده تولکو کیمی فرصت آختاراندیر. اونا ال تاپسان دوغرام – دوغرام ائت.

قایناق : کربلا ماجراسی ، روایت : ابو مخنف لوط بن یحیاداندیر ، نشر ائدن : اسلامی تبلیغات تشکیلاتی ، تدقیقاتچی : شیخ محمد هادی یوسفی ، چئویرن : شیخ عباس امامی کرکوکلو ، دیجیتال یاییمجیلیک : ائل اوبا

Print Friendly, PDF & Email