ائل اوبا – امام حسین علیه السلام دوشمانین قارشیسیندا دوردو و الینده کی قرآنی باشینین اوزه رینه قویاندان صونرا بویوردو :
ای انسانلار بیزیمله سیزین آرانیزدا اللهین کتابی و قوجام پیغمبرین سنتی حاکم اولسون.
بیلیرمیسینیز اوزه ریمدکی کومله مک باشیمداکی عمامه و الیمده کی قیلیج پیغمبر افندیمیز یندیر؟
اولار دیدیلر بلی بیلیریغ.
امام علیه السلام دئدی: من کیمه م و کیمین اوغلو اولدوغومو بیلرمیسینیز؟
اولار دئدیلر : اییجه بیلیریغ.
امام علیه السلام دئدی : داها منی نه ایچین ئولدورمه غ ایستیرسینیز؟
اولار دئدیلر : ابن زیادا اطاعت ایتمه لییغ.
صونرا امام علیه السلام بویوردو : ای جماعت الله سیزی ئولدورسون.
یانا – یانا بیزی یاردیما چاغیردینیز .ئولومو جواب ویریب فریادینیزا اولاشتیغ.
یازیقلار اولسون سیز بیزیم هدفیمیز اوغروندا قوللاناجاغینیزا آند ایتدیغینیز قیلیجی بیزی ئوادور مه غ ایچین قالدیردینیز.
دوشمانیمیز ایچین یاندیردیغیمیز اته شی ، بیزی بیزی یاندیرماغا ایشه له دینیز. وای اولسون حالینیزا.
قیلیجلر قینینده ، یوره گلر آرخایین و دوشونجه لر صاپا – صاغلام ایکه ن ، نه ده ن بیزه یاردیم ایتمه غده ن و ازگه چتینیز.
انجاغ چیویرکه گیبی فتنه اودونا تیزله شتینیز ، یه له پی گیبی ده لیجه سینه ئوزونوزو آته شه آتدینیز.
ای حق مخالفی ، ای احزابین قالانتیسی و حق حکمنده ن دونه نلر ، ای قرآندان و ازگیچه نلر و سوزلری ده گیشه نلر ، ای گوناهکارلار توره مه سی ، ای شیطانین واسواسینا اویانلار و ای پیغمبرین سنت تینی سوندوره نلر.
اللهین رحمتینده ن اوزاغ قالاسیزا ، بیزی قویوب دوشمانا یاردیم ایدیرسینیز. آند اولسون اللها غدر اسکیده ن به ری وارمیش سیزده.
و سیزین اصیلینیز غدر ته مه لی اوزه ره قورولوبموش. دوغروسو عهدینده ن دونمه غ ایچینیزده کوک سوروبموش و اونون میوه سی بیزه آجی و غاصبلره گلینجه داتلیدیر.
ای جماعت : بیلین بو حرامزاده اوغلو حرامزاده منی ایکی یول آراسیندا قویموش. یا قیلیج چه کیب صاواشیم یادا ذلیلجه سینه یزیده بیعت ایده م …
هیهات ! ذللت بیزه یاقیشماز. آرتیق الله تعالی ، مؤمنلر ، ییگیتلر ، غیرتلیلر ، و ته ر – تمیز عفتلی کیمسه لر بویله ذللتی بیزه یاقیشیر گورمه زلر.
عزتلی و باش یوکسه کلیغله ئولومو ، الچاغلارا ذلیلجه اطاعت ایتمه غده ن داها ایی گوره ر لر.
آرتیق من اصحابیمین آزلیغینا گوره ده سیزینله صاواشاجاغام. داها صونرا مظلوم افندیمیز امام حسین علیه السلام سانکی بویله سویله دی :
بو ذللت کومله گینده الله سیزی ئولدورسون
باغرینیزی باغریمین حسرتیله دولدورسون
بیزی شوقلا یاردیما چاغیردینیز بورایا
مرهم قویاغ بیرلیغده یوره گده کی یارایا
ئولوملو جواب ویریب ، چاپوغ گلدیغ امدادا
دورماداندا اولاشتیغ ایتدیغینیز فریادا
یازیغلار اولسون سیزه یازیغلار ای جماعت
گوگه ریپمیش ازه لده ن ایچینیزده خیانت
بو پارلایان قیلیجلر هدفیمیز اوغروندا
گه ره ک ییرین آلایدی دوشمانلارین باغریندا
حریت نیشانینی بوینوما گیچیرده جه غ
سیزه ، کین بیزه حیات صویونو ایچیرده جه غ
دوشمانا ایتیتدیغیم قیلیجی قالدیردینیز
اونونلا دوستونوزو ئولدورمه غه گلدینیز
شیطانلار صیراسینا گه چتینیز وای سیزلره
حسرت یاشین سالدینیز بو اومیدلی گوزلره
وای سیزه هر آلچاغین هاواسینا اویانلار
وای سیزه هر شیطانین واسواسینا اویانلار
اکتیغینیز وفانی یه شه ر مه ده ن بیچتینیز
قرآنی ترک ایله ییب دوشمانی حق سه چتینیز
ای سوزونده ن دونه نلر غیرت باغین صویانلار
پیغمبرین باغرینی خیانتله اویانلار
آرانیزدا یالنیزدیر پیغمبرین اولادی
بو ییرده بوگون سیزه امتحاندی بلادی
داها صونرا بویله بویوردو.آند اولسون اللها . منی ئولدوره نده ن صونرا عمرینیز بیر نفرین آتا مینمه غیجه اولمایاجاغدیر ، گونلر ده گیرمه دن داشی گیبی دولانلار و سیزی ده گیرمه دن داشینین میلی گیبی پریشان ایده جه غدیر. بوکه سین بیر سوزدور . قوجام پیغمبر و بابام علی منه دیمیشتیلر. صونرا بو آیه تی اوقودو :
« … فَأَجْمِعُوا أَمْرَكُمْ وَشُرَكَاءَكُمْ ثُمَّ لَا يَكُنْ أَمْرُكُمْ عَلَيْكُمْ غُمَّةً ثُمَّ اقْضُوا إِلَيَّ وَلَا تُنْظِرُونِ » – یونس 71
مطالب جالب
جایگاه عقل و شهوت در ملائکه ، انسان و حیوانات
تواشیح ؛ غیر از علی (ع) که خوانده محمد (ص) برادرش
اسماء الحسنی به زبان ترکی