امام حسین علیه السلام بئش نفر بصره بؤیوکلرینه بیر مکتوب یازیب سليمان دان گؤندردی.
او بئش نفر بونلاردير :
مالک بن مسمع بکری – احنف بن قيس منذر بن جارود – مسعود بن عمرو – قیس بن هیثم – عمرو بن عبدالله بن معمر
امامین یازدیغی مکتوبون مضمونو بئله دیر:
حقیقتا آللاه محمد صلى الله عليه و آله و سلمی سئچیب پیغمبرلیک و ائلچیلیک ایله کرامتلندیردی. سونرا دا اؤزونه دوغرو آپاردی. او پیغمبر آللاهين بنده لرینه نصيحت وئریب اسلامی تبلیغ ائتدی.
بیزلر ایسه اونون عائله سیندن اولماقلا هم ده اولیاسی اوصیاسی (وصی سی یا خوددا خليفه سی) و وارثی یک. بیز اونون خلافتی اوچون هر بیر کیسمه دن حاقليييق.
لاکین مسلمان قومی بیزی پیغمبرین خلیفه لیگیندن اوزاقلاشدیردی ، بیز بیرلیگین پوزولماماسی اوچون بو ایشه راضی اولدوق.
بیز اسلام و مسلمانلارین عافيتده اولمالارینی سئودیک. لاکین بیزدن باشقا سینین خلافته حاقلی اولمادیغی معلومدور.
من بو مکتوبر اؤز ائلچیمله سیزه گؤندریرم. سیزلری آللاهين کیتابینا و پیغمبرین سنتينه چاغیریرام. چونکی سنت اؤلوب بدعت دیریلمیشدیر.
سؤزومو قبول اندیب امريمه اطاعت ائتسه نیز سیزی هدایت ائده جه یم. والسلام علیکم و رحمة الله.
بو مکتوبو هر کیم اخویوردوسا گیزله دیردی. منذر ابن جارود امام حسین علیه السلامين ائلچیسی نین جاسوس اولماغیندان و بو ایشین عبیدالله طرفیندن دسیسه اولماغیندان قورخوب زیاد اغلونون یانینا گتیردی.
مکتوبر ائلچیه اوخوندوردو. بئله لیکله زیاد اوغلو ائلچینین بوینونو ووروب مسلمانلاری مسجده توپلاییب منبره چیخدی.
زیاد اوغلونون بصره منبرینده کی خطبه سی:
عبیدالله منبرده آللاها حمد و ثنا ائدیب دئدی:
آند اولسون آللاها چتینلیک منیم اوچون بير شئی دئیلدير.
منیم حاققيمدا پیس دانیشان دوشمنیمدیر. اونون سسینی باتیرا ۔ باتیرا اشکنجه وئره ره م. منیمله ساواشانا آغی کیمیم. قاره طایفاسی کیمی اوخ آتماقمدا زیرنگم. من داییلاریم كیمی مرحمتلی دئییلم. آتام کیمی قیریپ پارچالایانام. عميم اوغلو یزید کیمی چال چاغیری و عیاشلیغی سئومیرم.
قاره: جاهلیت دؤورونده اوخ آتماقدا سهو ائتمه ین و نهایت اوستاد اولان بیر طایفادیر.
قایناق : کربلا ماجراسی ، روایت : ابو مخنف لوط بن یحیاداندیر ، نشر ائدن : اسلامی تبلیغات تشکیلاتی ، تدقیقاتچی : شیخ محمد هادی یوسفی ، چئویرن : شیخ عباس امامی کرکوکلو ، دیجیتال یاییمجیلیک : ائل اوبا
مطالب جالب
جایگاه عقل و شهوت در ملائکه ، انسان و حیوانات
تواشیح ؛ غیر از علی (ع) که خوانده محمد (ص) برادرش
اسماء الحسنی به زبان ترکی