اؤزبکیستان-دا ختایی نین آنادیللی “دیوان”ینین نادیر نسخه‌سی آشکارلانیب

آپاریلان تدقیقات زامانی نظامی گنجوی، عماد الدین نسیمی، محمد فضولی و باشقا تانینمیش آذربایجان کلاسیک‌لری‌نین چوخ سایلی الیازما اثرلری آشکار اولونوب و ایلکین تدقیقاتا جلب ائدیلیب.

اؤزبکیستان-دا ختایی نین آنادیللی "دیوان"ینین نادیر نسخه‌سی آشکارلانیب

آذربایجان میللی علم لر آکادمیسی-نین محمد فضولی آدینا الیازما‌لار اینستیتوتونون امکداشی، فیلولوگیا عذره فلسفه دوکتورو کریم الله ممدزاده اؤزبکیستان-دا آذربایجانا عاید قورونان قدیم الیازما‌لارلا باغلی تدقیقات ایشی حیاتا کئچیریب.

آذربایجان میللی علم لر آکادمیسی نین معلوماتا گؤره، تدقیقات اؤزبکیستان‌داکی حیدر علی یئو آدینا آذربایجان مدنیت مرکزی‌نین لاییحه‌سی اساسیندا آپاریلیب.

آپاریلان تدقیقات زامانی نظامی گنجوی، عماد الدین نسیمی، محمد فضولی و باشقا تانینمیش آذربایجان کلاسیک‌لری‌نین چوخ سایلی الیازما اثرلری آشکار اولونوب و ایلکین تدقیقاتا جلب ائدیلیب.

بو الیازما‌لار آراسیندا اؤلکه‌میز اوچون دیرلی و اؤنملی حساب ائدیلن شاه اسماییل ختای‌نین آنادیل‌لی “دیوان”ینین الیازما نسخه‌سی ده وار.

ختایی نین آنادیللی “دیوان”ینین دیگر نسخه‌لری بریتانیا موزه سینده و ایران-دا قورونماقدا‌دیر. الیازما نسخه‌سی‌نین صورتی داها گئنیش تدقیقات و نشر اوچون آذربایجان مدنیت مرکزی-نین دیرئکتورو سامیر عباسووون تشببوسو ایله الده اولونوب.

الیازمانین کؤچورولمه تاریخی هجری تقویمی ایله 942-جی ایل گؤستریلیر (میلادی تاریخله 1535 کیمی قئید ائدیلیب). الیازمانین کاتیبی شاه محمد ال نیشاپوری‌دیر و اینجه خط نستعلیق خطی ایله کؤچورولوب، حجمی 84 ورق‌دیر.

شاه اسماییل ختای‌نین آنادیل‌لی “دیوان”ینین داشکند نسخه‌سی‌نین یاخین واخت‌لاردا نشری پلانلاشدیریلیر.

قئید اولونوب کی، آذربایجان مدنیت مرکزی-نین لاییحه‌سینه اساساً، آذربایجانا دایر اؤزبکیستان میللی علم‌لر آکادمیسی‌نین بیرونی آدینا شرق شناس‌لیق انستیتوتوندا ساخلانیلان الیازما‌لارین معین ائدیلمه‌سی، اونلارین کاتالوقونون حاضیرلانماسی، صورت‌لری‌نین قارشی‌لیق‌لی اساس‌لارلا آذربایجان میللی علم لر آکادمیسی نین محمد فضولی آدینا الیازما‌لار انستیتوتو ایله موبادیله‌سی نظرده توتولور.

قایناق : تورکیه رادیو تلویزیون قورومو رسمی وب سایتی

Print Friendly, PDF & Email