ای اهل عالم ، گلدی محرم
ساخلار حسینه شیعه لر بو آیدا ماتم
زهرا بو آیدا ، اوخشار بالاسین
آهیله باشا ، باغلار قراسین
مظلوم حسینون ، ساخلار عزاسین
یادا سالار کرب و بلانین ماجراسین
ای اهل عالم ، گلدی محرم
ساخلار حسینه شیعه لر بو آیدا ماتم
بو غمده شیعه ، ماتم قوراللار
بازار شهره ، پرچم ووراللار
غم صحنه سینده ، محکم دوراللار
دنیانی صوت واحسینله دولدوراللار
ای اهل عالم ، گلدی محرم
ساخلار حسینه شیعه لر بو آیدا ماتم
یولدان یتیشدی ، غم کاروانی
تا ائتدی منزل ، کرب و بلانی
مولا چاغوردی ، اهل وفانی
آخسون گرک عاشقلرین بو چولده قانی
ای اهل عالم ، گلدی محرم
ساخلار حسینه شیعه لر بو آیدا ماتم
الحق حسیندور ، آزاده رهبر
القانی ائتدی – صحرانی احمر
باشی کسیلدی ، قطع اولدو اللر
سسلندی باشی نیزه ده الله اکبر
ای اهل عالم ، گلدی محرم
ساخلار حسینه شیعه لر بو آیدا ماتم
الله بو ایلده ، گلدوق نوایه
یالواروق هر دم ، باد صبایه
پیغام آپارسون ، کرب و بلایه
بیزدن سلام اولسون او لب تشنه فدایه
ای اهل عالم ، گلدی محرم
ساخلار حسینه شیعه لر بو آیدا ماتم
ای شاه دینه ، بیعت ائدنلر
هل من معینه ، لبیک دیینلر
سینه وورانلار ، قاره گئینلر
تنده مدال عشقیدور بو پیرهن لر
ای اهل عالم ، گلدی محرم
ساخلار حسینه شیعه لر بو آیدا ماتم
شعر از حاج ولی کلامی زنجانی
مطالب جالب
امام علی (ع) ؛ میانه روی در زندگی
فرازی از نامه 53 نهج البلاغه و هشدار از ریختن خون ناحق
فیلم مداحی سید محمد حسینی در مسابقات استعداد یابی عراق