چمخیرما ، چیغیرما !!! – منوچهر دارائی ( زنجان )

عشقین منی، ای قیرمزی اوز، ائیله دی ساری

آی قیز! منه دوندر مه دالین گل منه ساری

قویما دوشه مجنون کیمی صحرایه بو عاشق

عشقین من زاری سورویه چؤل لره ساری

ایندیکی قوجالتدین منی ، ال چک بو یا خامدان

دور، بوقیزیلی تا یونوموز، اگریله ساری

گاهی چکه تهرانه گهی گؤنده ره کنده

گه رشته طرف توللایا گه ساری یه ساری

ایشوخ جوانلیقدان آپار بهره کی عاقل

فرصت گونو وقتینده ائده ر جمع زوماری

بیرگون گؤره رم قار کیمی رخساره زمانه

چين سالميش اولوبسان اوزو چين چين ننه قاری

اوندا دئیه رم هرنه دئدیم سن ائله دین ناز

گئت ایندی بوناز ائیله مه یین یوخدو چیخاری

یادیندا اوگون وعده وئریب سن منی اکدین؟

چایلاقدا دئدین دور گلیرم منده یوخاری

منده اوگون آخشامه کیمی منتظر اولدوم

گون دؤندو غروب اولدو چوبان گتدی داواری

ناز ائیله مه، نازائیله مه، چمخیرما، چغیرما!
بالله بوقدر ناز ائله مک عؤمرو قوتاری

بیر واقت او شاقلیقدا گوتوردوم بیر اوزون بیز

اوز قویدوم اودم آریلارا فیکردن عاری

آری سبدین قوردالادیم تاکی ده لیندی

بیر کوهنه سبد بؤیرو داراشدی منه آری

القصه دوشوندوم اوزامان مــن بو عملدن

بیچاره آری نیندا منیم تک جانی واری

باری بیرینه دینمه، سنه دینمه یه بیر کس

رحـم ائيله منه رحـم ائله يه تا سنه تاری

سنده منی اینجیتمه خدا ائیله مه میشدن

ممکوندو تا پیلسین بیری اینجیتسین او یاری

هر نه تو که سن آشه گلر قاشوغا البت

بوغدا اکه سن بوغدا ده ررسن نه کی داری

ائل اوبا