نشریه الکترونیکی ائل اوبا

و من آیاته خلق السّموات و الأرض و اختلاف ألسنتکم و ألوانکم إنّ فی ذلک لآیات للعالِمین

تؤرکؤ بایاتیلار – دوبیتی های ترکی آذربایجان


لینک مطلب : http://eloba.ir/?p=730

باهاسیز داشدی دونیا

چؤروک آغاشدی دونیا

هارا باخیم خوش اولوم

بوتون قان یاشدی دونیا

 

پنجره میز یان – یانا

یاردا چیخیب ایوانا

من باخیرام او باخیر

قالمیشیق یانا – یانا

 

داغلارین باشی قارا

دیبی نین داشی قارا

بوردا بیر قیزسئومیشه م

آلا گؤز ، قاشی قارا

 

عزیزینه م یار – یارا

کباب باغریم یار – یارا

دیز تیتریه ر قان قاچار

یئتیشنده یار – یارا

 

آغ آلما قیزیل آلما

بشقابا دوزول آلما

بولسه یدیم یار گؤندریب

ساخلاردیم یوز ایل آلما

 

من عاشیق قار قامیشا

یاغیبدیر قار ، قامیشا

یوز دیل آغیز نئیله سین

بیر الله قارقامیشا

 

گل گئدک داش بولاغا

سویو سرخوش بولاغا

بیرین سن دئه بیرین من

تؤکک قان یاش بولاغا

 

دسمالا آلما قالا

باشینی سالما قالا

نامرد ایله دوست اولما

دوشرسن قالما قالا

 

اوجادیر بیزیم قالا

درد گئتمز یوز ایل قالا

بد اصیل ، اصیل اولماز

بویونجا قیزیل قالا

 

اوجاغی یاخشی قالا

اودون قوی یاخشی قالا

نه اولار بو دونیادا

پیس اؤله ، یاخشی قالا