نشریه الکترونیکی ائل اوبا

و من آیاته خلق السّموات و الأرض و اختلاف ألسنتکم و ألوانکم إنّ فی ذلک لآیات للعالِمین

بایاتیلار (19)


لینک مطلب : http://eloba.ir/?p=7549

بایاتیلار باشلاندی

عشق اورکده جوشلاندی

دوستلازا خبر وئرون

منیم تویوم باشلاندی

ائلیم گونوم تالاندی

اوستونه اود قالاندی

یاد الیندن ائل کؤچدو

بیر داغا دالدالاندی

اوخشاسین دیلیم سنی

بویوتسون ائلیم سنی

میداندا آت اوینادان

بیر ایگید بیلیم سنی

اوچی ورار مارالی

داغدا گزر یارالی

فلگه نیله میشم

سالدی سندن آرالی

اوتای بوتایا باخیر

آراسیندان چای آخیر

کور اولسون منیم گوزوم

سنسیز دنیایه باخیر

اوخ آتدیم دوزه دوشدی

کیپریکلر گوزه دوشدی

هاممیا پوشک آتدیلار

آیریلیق بیزه دوشدی

اورمی گولی دریندی

بولاخلاری سریندی

بیر گونلوم وار سینمده

مینی گلسه سنوندی

اوسکی نین کوچه لری

بار امیر بچه لری

یاتاسان یار قوینوندا

پاییزین گئجه لری

آرازیم آرام یئری

سیزیلدار یارام یئری

هر محنته دوزه رم

کسیلیب چارام یئری

کتاب آذربایجان بایاتیلاری ، سهمانلیانی نقابی ، نشر موسسه نور ، تبریز