من عاشیق یاستی داغلار
سو گلدی باسدی داغلار
اوچ آی گوللو چیچکلی
دوققوز آی یاسدی داغلار
عاشیقام ، وطن آغلار
منه هر یئته ن آغلار
غریبلیکده اؤله نین
حالینا کفن آغلار
گؤزلرین مستی ندیر
یولومو کسدی ندیر
یار منی اولدورمکدن
بولمورم قصدی ندیر
داغلارا قار توشوبدور
گؤرنه هامار توشوبدور
قبریمی یاد قازیبدیر
لحدیم دار توشوبدور
گئدیرم یولوم داغدیر
اتگی بوتون باغدیر
چکرم یار قهرینی
نه قده ر جانیم ساغدیر
اصلیم قارا باغلی دیر
سینم چارپاز داغلیدیر
نه گلن وار نه گئدن
یوخسا یوللار باغلیدیر
دردمنده اوز گوروبدور
میدانی دوز گوروبدور
گئدیر – گئدیر قئیی دیر
منی یالقیز گوروبدور.
قارا ندیر ، آغ ندیر ؟
باغچا ندیر ، باغ ندیر ؟
منه دئییر گورن لر
سینه ن اوسته داغ ندیر
تبریز اوستو گونئی دیر
شوشه لر دولو مئی دیر
یاردان بیر نامه گلیب
تامام عرض گیلئیدیر
داغ اوسته قالام واردیر
باشیمدا بلام واردیر
غربت آدی چکمه یین
غربتده بالام واردیر
مطالب جالب
ضرب المثل های ترکی – الف
آذربایجان ادبیات تاریخینه بیر باخیش (2)
بایاتی – دو بیتی ترکی آذربایجانی