نشریه الکترونیکی ائل اوبا

و من آیاته خلق السّموات و الأرض و اختلاف ألسنتکم و ألوانکم إنّ فی ذلک لآیات للعالِمین

بایاتیلار – دوبیتی های ترکی آذربایجانی


لینک مطلب : http://eloba.ir/?p=1040

تبریز اوستو میانا

گول سونبوله دایانا

اوخو بولبولوم اوخو

بلکه یاریم اویانا

 

عزیزنیه م سال یانا

دارا زولفون سال یانا

نئجه سن بیر آه چکم

کور قورویا ،سال یانا

 

من عاشیقام خالخالا

اوزده دگدی خال خالا

سئومیشدیم اؤزوم آلام

سئومه میشدیم خالخ آلا

 

من عاشیق ارضروما

گئده رم ارضروما

دوه سی اؤلموش عربم

دؤزه رم هر ظولوما

 

عاشیق صنم اوتونا

سرو صنم اوتونا

یانا – یانا کول اولدوم

اؤز کیمسه نم اوتونا

 

عزیزنیم یار قانا

یار سؤزونو یار قانا

لاچین وورموش سونایام

من چیخمیشام یار قانا

 

آل چوخا ، قارا چوخا

یاراشیر یارا چوخا

سنه یامان باخانین

گؤزونه یارا چیخا

 

آمان آمانا دؤنوب

قاشلار کامانا دؤنوب

سن کی بئله دییردین

بلکه زامانا دؤنوب

داغ باشینی قار آلیب

باغچالاری بار آلیب

عزرائیل آلما جانیم

بیر جانیم وار یار آلیب

 

عزیزیم سن آغ بولوت

دره بولوت ، داغ بولوت

کؤوشن آلیشیب یانیر

نه باخیرسان یاغ بولوت