حیات گؤزللنیر، حیات گوللنیر،

سنین دوروشونلا آغ چیچک باجیم

نه میکروب، نه ویروس سارسیدا بیلمز،

دمیر ایراده نی آ گؤیچک باجیم

دؤیوش مئیدانیندا، دایان ار کیمی،

دوشمنله چارپیشان شهیدلر کیمی،

خالقینین یولوندا بیر عسگر کیمی،

تفنگی الینده آغ سرنگ باجیم

یاشام نغمه سی دیر قلبی نین سسی،

نفسین ووردور دوران نفسی،

او پیسلیک ایبلیسی، اؤلوم پنجه سی،

سنه مغلوب تک به تک باجیم

سن دن مهربانی نئجه وار دئییم،

سنسن خسته لره هاوادار دئییم،

آدینی مقدس پرستار دئییم،

اونودماز بو آدی هئچ اورک باجیم

وجدانینی ائشیت، قلبینی دینله،

گئدیر آیدینلیغا بو یول سنینله

آغ اؤرتوک، آغ ماسکا، آغ گئییمینله،

ملکلر ملگی آی ملک باجیم

✍️ سخاوت عزتی(عندلیب)