منی آنلاتما کی عشق ، عالمی – سئودا نه ایمیش؟
بیلیرم من سنی ، گئت ! هر سؤزون افسانه ایمیش
گئت ، گولوم ، گئت گؤزلیم! باشقا بیرعاشیق آرا ، بول!
دویدوم آرتیق سنین عشقینده کی معنا نه ایمیش!
بی وفاسان ، ملک اولسان بئله اویمام داها ، گئت!
کیم کی ، اویموش سنه ، کؤنلوم کیمی دیوانه ایمیش
یئتیشیر ، گئت ! منی قهر ائیلمه ، ترسا قیزی گئت!
آنلادیق شفقتلی – آیینی مسیحا نه ایمیش!
سنی بیر ساده دیل ، آزاده ملک سانمیش ایدیم
نئیله ییم ! … آه … کؤنول روحونا بیگانه ایمیش
سنی تقدیس ائدرک بیر داها سئومم اصلا
نه ایمیش سانکی بو عشق!؟ عاشیقی – شئیدا نه ایمیش!
عالمی – ذؤوقو صفادن منه بحث ائتمه ، ساقین!
بیلدیک آرتیق بو جهان ملکو نه ویرانه ایمیش!
ساقین= چکین ، اصلا
حسین جاوید(1882-1941 )
مطالب جالب
ضرب المثل های ترکی – الف
آذربایجان ادبیات تاریخینه بیر باخیش (2)
بایاتی – دو بیتی ترکی آذربایجانی