نشریه الکترونیکی ائل اوبا

و من آیاته خلق السّموات و الأرض و اختلاف ألسنتکم و ألوانکم إنّ فی ذلک لآیات للعالِمین

او وفاسیز منه بوندان بئله یار اولما دئدی – علی آغا واحد


لینک مطلب : http://eloba.ir/?p=1900

او وفاسیز منه بوندان بئله یار اولما دئدی

سئومه هر بیر گؤزلی ، عاشیقی – زار اولما دئدی

بیر گؤزل عشقینه وئر کؤنلونو ، ثابیت قدم اول

جوشما دریا کیمی ، خَزری ۔ گیلاوار اولما دئدی


بو قارا زولف له یوزلرله اسیریم واردیر

احتیاط ائیله ، بو زنجیره دوچار اولما دئدی


چکمه ، گؤز یاشی توکوب گؤزلریمین حسرتینی

گئجه – گوندوز بو خیال ایله خومار اولما دئدی


سنی من سئومیرم آردیمجا دوشوب یالوارما

ائل ایچینده دوشون اؤز قَدرینی، خوار اولما دئدی


وئرمرم اذن ، سری کوییمه جنت دئیه سن

بوش تمنا ایله بی صبر و قرار اولما ، دئدی


عکسی – رو خساریمه عالم اولوب حیران ، شاعیر

سن بو آیینه یه چوخ باخما ، غبار اولما دئدی


واحیدم، من دئدیم، ای گول ، قوجالیق دؤورو گلیر

عشق ذؤوقوندن اوزاق لاشما ، کنار اولما ، دئدی

ائل اوبا