لیلی و مجنون – نظامی گنجوی

لیلی بیر آه چکدی گؤروب مجنونی  مجنون دا فریادلا سسلدی اونی

        لیلی سحر کیمی ایشیقلانیردی     مجنون دا شمع کیمی غمدن یانیردی

لیلی یارانمیشدی آی کیمی پارلاق  مجنون ایپک کیمی قارایدی آنجاق

لیلی قیش گؤرمه میش یاسمن کیمی  مجنون خزان ویرمیش بیر چمن کیمی

لیلی پارلاییردی صبحین قیزی تک  مجنون دا صؤنوردی دان اولدوزی تک

لیلی داغیتمیشدی ساچینی نازلا  مجنون قول اولموشدی مین التماسلا

لیلی بوی آتیردی قیزیل گل کیمی  مجنون آغلاییردی بیر بولبول کیمی

لیلی کئچیر دیکجه زلفی شانه دن  مجنونون گؤز یاشی آخیردی دن – دن

  لیلی نین الینده مشگین پیاله  مجنون می عطریله دالمیش خیاله

اونلاری گؤرمه سین ، دییه رک اغیار  غریب تک اوزاقدان باخیشیردیلار        

بونی دا اونلارا چوخ گؤردی زمان  قوری بیر باخیشدا چیخدی اورتادان

مترجم: صمد وورغون