سؤز بوندان یئی اولماز – شعر از خسته قاسیم

ای آقالار ! اهل دؤوران

بیر سؤزوم وار دئمک اولماز

هر نمک ناشناسینان

نان و نمك یئمک اولماز .

کؤنول گل یولا ، گل یولا

دوشمه بیر اوزگه خیالا

هر خرسینن بیر چووالا

مدار اولماز ، گیرمك اولماز.

کؤنول ائتمه منی عاصی

ده یه ر رقیبین طعنه سی

یالقیز الین چیخماز سسی

بی مایه داش « دیبک » اولماز

اهل دؤورانه خوش گره ک

هر یولا بیر یولداش گره ک

دار گؤنومده قارداش گره ک

بیگانه دن کؤمک اولماز

ایکی سونا گؤل باشیندا

تئللری یاشیل باشیندا

رقیب ائوی یول باشیندا

دوستلوق ائدیب گئتمک اولماز

گل سنه سؤیله ییم دوستوم

سنه واردیر چوخ اخلاصیم

سؤزو دئییب « خسته قاسیم »

داخی سؤز بوندان یئی اولماز

ائل اوبا

سؤز