گوورچین هاوادادیر

اوچمویوب یووادادیر

گؤزلریم یول چکمکده

اللریم دووادادیر

149

قاشلارین قبله گاه دیر

قبله دئسه م گناهدیر

داغلارا دومان چؤکسه

اودا من چکن آهدیر

149

من عاشیق هاچا بتدیر

سانا گور نئچه تبدیر

توشه سن من توشه نه

گوره سن نئجه درددیر

149

چایی گئچمه دریندیر

سویون ایچمه سریندیر

بولبول باغا گیرنده

توی بایرام گوللریندیر

149

من عاشیق سؤزوم یوخدور

گلمگه اوزوم یوخدور

بیر کلمه منله دانیش

اورکده دؤزوم یوخدور

149

داغلار باشی آلا قار

آلا دومان ، آلا قار

همشه قار یاغمیشدیر

یاغمامیشدیر بئله قار

149

اود یاندیر گؤزدیه ن وار

مجلسده سوز دیه ن وار

عزرائیل آلما جانیم

یولومو گوزله ین وار

149

باشیمدا پاپاقیم وار

الیمده سلاحیم وار

گؤز گوردو کونول سئودی

منیم نه گناهیم وار

149

تئللرین کسمه سی وار

آرادان بیشمه سی وار

بئله کی ناز ائیلی سن

بیر گونده کوسمه سی وار

149

عزیزیم گولو باغلار

آچیب دیر گولو باغلار

اوزون بیر سونا دلبر

دیلین بولبولو باغلار

149

ائل اوبا