نشریه الکترونیکی ائل اوبا

و من آیاته خلق السّموات و الأرض و اختلاف ألسنتکم و ألوانکم إنّ فی ذلک لآیات للعالِمین

حضرت زینب علیها سلام و کربلانین صون اولایلاری


لینک مطلب : http://eloba.ir/?p=2323

قاضی اوغلو

ائل اوبا – حضرت زینب علیها سلام ، بوکولموشیں بیل، قورو دیل آغیزلا، قیرغین و صوصوز يوره گله قارده شی مظلوملارین افندیسي امام حسینین پارچالانمیش بدنینین یانینا گلدی، غم دولو بیر سه سله، حسرت دولو بیر یوره گله سانکی بویله چاغیردی:

ای علی، ای اسلامین قوجامان و قاهرامان پهلوانی ، یگیت بابام، بو حسیندیر باشی که سیک قانا بویانمیش. بولاردا قیزلریندیر، هاراسان اولموشلار.

ای زهرا ای مظلوم انام بو سه وگيلی اوغلوندور اولاردا عباس، اکبر، قاسم علی اصغر دیر قانا به لنمیشلر، بولاردا قیزلریندیر اسیر ایدیلمیشلر.

ای محمد بو سه وگیلی حسینیندیر باشی که سیلمش، بوحسینیندیر حرام زاده لرین قیلی جیله صوصوز ئوزو و – اصحابی ئولدورولمش ، امان بو بلاده ن… امان بو غم ده ن بو کیمسه سیزلیغده ن بو ده ربه داغینلیغدان بوچتین گونده ن.

سانکی قوجام محمدین ، بابام علینین انام زهرانین عمیلریم حمزه و جعفر طيارين دنيادان گوچ توغلری گونلره به نزيری بوگون…

زینب علیها سلام بوحالدا بیر قارانتی گوردوغونده سانکی بویله دیدی:

ای یاشمانان آل قان ایله

سن کیمسه ن بو صحرا دا

قارده شیمی که سه نده لر

یوخویدون کربلا دا!

ای افندیم نه ایستیرسه ن

اوتانما سویله منه؟

قارده شیمین تمیز قانی

به نزیری والله  سنه

گر حسینی آختاریرسان

میزراق اوستونده باشی

فراتین ده قیراغیندا

قولسوز ییگید قارداشی!

بیز علی نین قیزلرییغ

نه قارده ش وار نه بابا

اوشاغلارین صوصوزلوغو

آغلادیر داغی داشی

 

داها صونرا کربلانین ییگید قیزی زینب سلام الله علیها مدینه یه گیده ن بیر یولچویا سانکی بویله سویله دی:

مدینه یه گیده ن یولچو چاغیر آنام زهرانی

سویله اسیر ایله دیلر زینب ، رباب لیلانی

سویله حسینین ، باشینی صوصوز که ستیلر صوصوز

سؤت ئه مه رین اوخلانماغی آغلاتدی کربلانی

اللرینی باغلی گوردوم سویله قیزین زینبین

اغلادیغجا بیر خسته گنج آغلادیردی هر یانی

سویله عباس. قاسم، اکبر پارچا پارچا ایدیلدی

یتیملرین داد فریادی داغلادی هر انسانی

قایناق : کربلا اولایلاری – یازان : قاضی اوغلو – عربجه مقرم مقتلینده ن سه چمه لر

ائل اوبا