نشریه الکترونیکی ائل اوبا

و من آیاته خلق السّموات و الأرض و اختلاف ألسنتکم و ألوانکم إنّ فی ذلک لآیات للعالِمین

حضرت ابالفضل العباس علیه السلامین شهاده تی


لینک مطلب : http://eloba.ir/?p=2313

قاضی اوغلو

ائل اوبا – صوصوز اوشاغلارین ، صوصوزلوقتان فریاد و آغلاییش سه سلری یوکسه لدی. امام حسینین یارالی باغرینی ازمه غه باشلادی … بو صیرادا قارداشی حضرت عباسا دئدی :

« بو اوشاغلار ایچین بیر ایچیم صو گه تیرمه غه چالیش » ، اوشاغلارسا سانکی حضرت عباسا بویله دئدیلر :

 

دوداغلار چاتلادی قورودو دیللر

توکولدو یاپراغلار صارالدی گوللر

شهید اولادی سنده ن صو دیلر

اوغاچا صو ییتیر بیزه عمو جان

چادیردا اوشاغلار ، آنالار آغلیر

آهلاری ای عمو گوگلری داغلیر

صوصوزدان کورپه لر ییری قوجاغلیر

بیر ایچیم صو گه تیر بیزه عمو جان

 

حضرت عباس علیه السلام فراتا دوغرو گیتدی اورادا دورت یانلی یوزلرجه دوشمان عسکری ساردی. امام حسینین بایراقداری دوشمان عسکرینین چوخلوغونو آرامادی …

فرات چای ینا اولاشارکه ن ، تولوغونو صویلا دولدوراندان صونرا ، آوجونا صو آلیب ایچمه غ ایسته دیغینده ، قارداشی حسینین و صوصوز اوشاغلارین صوصوزلوغونو یادلادی ….

او آندا صویو الیندن توکوب ئوز – ئوزونه بویله دئدی :

« ای نفس حسینده ن صونرا حیات تا اولوب اولمادیغین فرق ایتمه ز …..

حسین و آرواد اوشاغلار صوصوزلوغدان یانمیشلار سن ده اولاردان ئونجه سه رین صو ایچمه غ ایستیر سه ن ؟ »

 

داها صونرا چادیرلارا دوغرو آتینی قوشتو. سعد اوغلونون عسکرلری عباسین اطرافینی ساردیلار.

حضرت عباس اولارلا سیجاغ بیر صاواشا گیریشتی ، بیر نئچه نفری ئولدوره ندن  صونرا اونون اوزه رینه اوخ ، میزراق و داشلا هجوم ایتدیلر ، هر ایکی الینی که ستیلر گوزلرینی ده اوخلادیلار. بدنین هپ ییرینی یارالادیلار…

حضرت عباس آتیندان ییره دوشتوغونده چاغیردی ( مندن سنه سلام اولسون ای اباعبدالله ).

امام حسین علیه السلام قارداشینین سه سینی ایشیدیر – ایشیتمه ز بایراقدارین پارچالانمیش بدنینین یانینا اولاشتی ، قارداشینی او حالدا گورونجه باشینی دیزینین اوزه رینه آلدیغیندا سانکی بویله بویوردو : ایندی بئلیم بوکولدو ای قارداش .

 

نه ده ن قویدون یالنیز منی بو چولده

کیمسه سیزه م آرخامیدین بو یولدا

نه اوغول وار نه قارداش وار نه بابا

سن دوشه رکه ن قالمادی طاقت بیلده

قارداش دوشتو بیل بوکولدو

گوللر صوصوز یاپراغ صوصوز

نه نه سازلار اوشاغ آغلار

یوره ک صوصوز قوجاغ صوصوز

چادیرلاردا شربه لر بوش

کورپه صوصوز چاناغ صوصوز

یاپا یالنیز قالدی کروان

یولچو صوصوز قوناغ صوصوز

علمدارین یوره گینده

طولوغ صوصوز بایراغ صوصوز

 

امام حسین علیه السلام یوزونو هر هارا چیویریردی باشقا بیر مصیبتله قارشیلاشیردی .

بیر یاندا بدنلری باشسیز ، قولسوز اصحاب و اهل بیتین گنجلری ، قانلارا بولانمیش ، بیر یاندا قارداشی عباس فرات یولوندا بدنی پارچالانمیش ريا، بیر یاندا دا آرواد – اوشاغلارین صوصوزلوغدان کیمسه سیزلیغده ن و قورخو اورکوده ن ، داد فریاد ایتمه لری .

بو صیرادا مظلوملارین باش تاجی یاپا یالنیز میداندا ، گوگلری یاران بیر سه سله چاغیردی :

« پیغمبرین اهل بیتینده ن و حرمینده ن دوشمانلاری اوزاغلاشتیران غیرتلی بیر کیمسه یوخمو ، بیزیم حقیمیزده اللهتان قورخان بیر موحد یوخمو …

الله ایچین بیزه یاردیم ایده ن کیمسه یوخمو ؟ »

امامین بو سوزلرینی ایشیده ن صوصوز آرواد اوشاغلار و حضرت عباسین یولونو بکله یه نلرین فریاد سه سلری سازلامالاری داها چوخ یوکسه لدی سانکی ییر یوزونده بیر قیامت قوپموشتو علی اصغرین آننه سی ایسه آج صوصوز اوغلونو سانکی بویله اوخشوردو :

لایلای بالام ایدیم سنه

کورپه بالام اصغر بالام

سوتوم یوختور نیدیم سنه

بس آغلاما قادان آلام

لایلای بالام کورپه بالام

بئشیگینه سنی سالام

عمین دوشموش صو یولوندا

بس آغلاما قادان آلام

قورو دیلین دولاشتیرما

بوزغون فکریم بولاشتیرما

قورو سینه م اودلاناجاغ

گوز یاشینلا آلیشتیرما

گوز یاشیمی شراب ایله

سوتدور بالام حساب ایله

ایندی بابان گوره ر حالین

گوز یاشیندان عتاب ایله

بیر چاراسیز ده ربه دارام

کورپه م ایچین ایشله ر یارام

ده ردیم کیمه آچیم یا رب!

مبتلایام گرفتارام

مظلوم بالام سوتوم یوختو

بو دیاردا ده ردیم چوختو

قورو دوداغ ، صارالمیش یوز

عمریم ئه وین والله یختی

گوزون آتما صاغا صولا

دورت یانیمیز کرب و بلا

مظلوم بالام بیر آز صونرا

دوشه جه غسه ن سنده یولا

هر یامانلیغ ویران اولسون

جانلار دینه قوربان اولسون

ملتینه ظلم ایده نین

جان جیگه ری آل قان اولسون

قایناق : کربلا اولایلاری – یازان : قاضی اوغلو – عربجه مقرم مقتلینده ن سه چمه لر

ائل اوبا