نشریه الکترونیکی ائل اوبا

و من آیاته خلق السّموات و الأرض و اختلاف ألسنتکم و ألوانکم إنّ فی ذلک لآیات للعالِمین

تورکجه بایاتی توپلومو – دوبیتی های ترکی


لینک مطلب : http://eloba.ir/?p=1224

کهر آت یالین اوینات

آیاقدا نالین اوینات

یار سنی مینیب چاپسا

باشیندا شالین اوینات

گؤیده گئدن قوشا باخ

دیمدیگینده داشا باخ

نامه یازدیم یوللادیم

اوستونده قان یاشا باخ

آرازین چئشگینه باخ

اوروسون مشقینه باخ

اوخورام درد الین نن

دئییرلر عشقی نه باخ

 

غریبم وطنیم یوخ

اسیرم ساتانیم یوخ

دوشدوم درین دریایا

الیم نن توتانیم یوخ

عزیزینم داغا باخ

گولشنه باخ باغا باخ

غربت یئرده چکیلن

سینمده کی داغا باخ

بیر آت میندیم باشی یوخ

بیر چای گئشدیم داشی یوخ

بوردا بیر غریب اؤلوب

قوهومی قارداشی یوخ

 

الیمده یایی ما باخ

گول اوزلو آییما باخ

چکدیگیم زحمتیمه

آلدیغیم پاییما باخ

داغلارین باشینا باخ

قومونا ، داشینا باخ

یار منی قویوب گئتدی

گؤزومون یاشینا باخ

 

گؤز اوسته قاشلارا باخ

هؤروکلو ساشلارا باخ

آغ داغا یولون توشسه

خومار باخیشلارا باخ

 

داغلارین باشینا باخ

قومونا داشینا باخ

من سئودیم یاد آپاردی

دؤنیانین ایشینه باخ