نشریه الکترونیکی ائل اوبا

و من آیاته خلق السّموات و الأرض و اختلاف ألسنتکم و ألوانکم إنّ فی ذلک لآیات للعالِمین

تاپماجا (چیستان ها و معماهای ترکی به صورت شعر)


لینک مطلب : http://eloba.ir/?p=4544

یارپاغی وار ، آغاج دئیل.

تیکیلیر ، پالتار دئیل.

دانیشیر ، آدام دئیل.

(سنجه آچماسی ندیر؟  آچماسی: کتاب).

بازاردا ساتیلماز.

ترزیده چکیلمز.

بالدان شیریندیر.

آمما ییلمز.

(سنجه آچماسی ندیر؟  آچماسی: یوخو).

ایکی یونوم وار.

اون قارداشا چاتار.

بونو کیم تاپار؟

(سنجه آچماسی ندیر؟  آچماسی: الجک).

بدنی وار ، باشی یوخ.

قوللاری وار ، ایاغی یوخ.

قارنینی ییرت ، قانی یوخ.

(سنجه آچماسی ندیر؟  آچماسی: کوینک).

یومرو تکر.

اللر ده گئزر.

(سنجه آچماسی ندیر؟  آچماسی: دف).

تویدا گئزر.

سسی عالمی بزر.

قابیرقاسی قاتباقات.

هردن یاواش ، هردن ده برک دارت.

(سنجه آچماسی ندیر؟  آچماسی: قارمون).

قانادی وار اوچماغا.

اینه سی وار سانجماغا.

سویر ایشی ، زحمتی.

اودور کی وار هورمتی.

(سنجه آچماسی ندیر؟  آچماسی: آری).

بیر آغاجیم وار.

بیر قووده سی.

بئش بوداغی.

هر بوداقدان بیر صدف.

(سنجه آچماسی ندیر؟  آچماسی: قول).

آشماز اوچماز.

یئره دوشسه.

بئلی سینماز.

(سنجه آچماسی ندیر؟  آچماسی: یارپاق).

ایری بویرو بوی آتار.

آیاغی یئره باتار.

سالخیم سالخیم سالانار.

آلتینا ساروان یاتار.

(سنجه آچماسی ندیر؟  آچماسی: سویود آغاجی).

اینه ییم وار اشیکده دیر.

آیی ایلی اشیکده دیر.

ایلده بیر کره ساغیلیر.

اوزو یئنه اشیکده دیر.

(سنجه آچماسی ندیر؟  آچماسی: باغ).

اوزانار ها اوزانار.

قوللاریندان بالالار.

(سنجه آچماسی ندیر؟  آچماسی: آغاجلار).

اوون آلسان میریلدار.

سیغارلاسان خورولدار.

(سنجه آچماسی ندیر؟  آچماسی: پیشیک).

آغزی قارا بوز بئیلر.

وورسان آغزین اییلر.

(سنجه آچماسی ندیر؟  آچماسی: جاناوار).

آغیزی وار ، دیلی اولماز.

یوز آغاج وور ، چیغیرماز.

(سنجه آچماسی ندیر؟  آچماسی: بالیق).

آدام دئیل ، ال ایاغی ، دیشی وار.

عجب شئی دی ، قره وله ایشی وار.

(سنجه آچماسی ندیر؟  آچماسی: میمون).

باغدا سورونر گئزر.

آز آز گورونر گئزر.

اوخشویار بیر یوماغا.

قورخورام ال وورماغا.

(سنجه آچماسی ندیر؟  آچماسی: کیرپی).

یاتاندا یومرو یاتار.

اتین درمانا قاطار.

هر کیم توتماق ایسته سه.

تیکانی الینه باتار.

(سنجه آچماسی ندیر؟  آچماسی: کیرپی).

بیر آتیم وار مینه بیلمیرم.

آغزینی آچسا دینه بیلمیرم.

(سنجه آچماسی ندیر؟  آچماسی: آسلان).

بیر آخماق اوکوزوم وار.

ایلندیریب ات ییر.

(سنجه آچماسی ندیر؟  آچماسی: آیی).

قایا آلتدان قاز گئدر.

بورنون قولازلار گئدر.

بیر ایل بوغایا گئلر.

یئددی ایل بوغاز گئدر.

(سنجه آچماسی ندیر؟  آچماسی: فیل).

قیزیل گول بالا وردی.

سنه گور نچه وردی؟

یارپاقسیز آغاج گوردوم.

تورپاقسیز بالا وردی.

(سنجه آچماسی ندیر؟  آچماسی: مارال بورنوزو).

قیزیل گول پارداخلاندی.

گول آتیب چارداخلاندی.

تورپاقسیز یئرده بیتدی.

یارپاقسیز بوداقلاندی.

(سنجه آچماسی ندیر؟  آچماسی: مارال بورنوزو).

حاجیلار حاجیدی.

باشماغی نارینجیدی.

یارپاق آچمیر.

قول آتمیر.

تاپ گوروم نه آغاجی دی.

(سنجه آچماسی ندیر؟  آچماسی: مارال بورنوزو).

داغدان ، قایادان آشار.

پیشیک کیمین دیرماشار.

ایلان کیمین سورونر.

دووار دان برک یاپیشار.

(سنجه آچماسی ندیر؟  آچماسی: کستنکله).

دیک چیخاندا ایلدیریم.

دیک اننده دیقیرقؤز.

(سنجه آچماسی ندیر؟  آچماسی: دووشان).

دیلیم دیلیم نار.

دیزیمه جن قار.

یئددی دنه نین گونو.

بیرجه آیاغیما دار.

 (سنجه آچماسی ندیر؟  آچماسی: سیچان).

یئر آلتیندا یاغلی کوت.

(سنجه آچماسی ندیر؟  آچماسی: پورسوق).

او ندیر کی اوه گیرمز.

صداقتلی ائل ده گئزر.

(سنجه آچماسی ندیر؟  آچماسی: ایت)

آیاغی یوخدور ، قاچیر.

قانادی یوخدور ، اوچور.

(سنجه آچماسی ندیر؟  آچماسی: بولود).

آرابا گئدر ، ایزی یوخ.

یانار ، یانار ، کوزو یوخ.

(سنجه آچماسی ندیر؟  آچماسی: گونش).

من عاشیقم آزالماز.

آغیلی پایین آز آلماز.

عاشیق بیر شم گوروبدو.

یانار یاغی آزالماز.

(سنجه آچماسی ندیر؟  آچماسی: گونش).

بیر آغاجیم وار ، اون ایکی بوداغی.

هر بوداغین اوتوز یارپاقی.

هر یارپاقین بیر اوزو قارا ، بیر اوزو آغ.

(سنجه آچماسی ندیر؟  آچماسی: ایل ، آی ، گون).

اوچ یوز آتمیش بئش یاشی وار.

آنجاق ایکیجه قارداشی وار.

بیر آدام گورموشم من.

اللی ایکی دورد قولو.

اون ایکی باشی وار.

(سنجه آچماسی ندیر؟  آچماسی: ایل ، آی ، فصل ، هفته ، گونش ، آی).

بیر قیزیل اوگوزوم وار.

هارادا یاتسا اوت بیتمز.

(سنجه آچماسی ندیر؟  آچماسی: اود).

بیری گئدر ، گئلمز.

بیری یاتار ، دورماز.

(سنجه آچماسی ندیر؟  آچماسی: توستو ، کول).

او ندیر کی قیزیل اوکوز یاتار دورماز؟

قارا اوکوز گئدر گئلمز.

(سنجه آچماسی ندیر؟  آچماسی: کول ، توستو).

قنده اوخشار دادی یوخ.

گویده گئزر قانادی یوخ.

(سنجه آچماسی ندیر؟  آچماسی: قار).

گویده دوغولار.

یئرده بوغولار.

(سنجه آچماسی ندیر؟  آچماسی: یاغیش).

بوستان دا وار بیر آرواد.

پالتار گییب قاتباقات.

(سنجه آچماسی ندیر؟  آچماسی: کلم).

یئر آلتیندا ساری بیز.

(سنجه آچماسی ندیر؟  آچماسی: هووج ، کؤک).

لَیَنده ، آی لَیَنده ، گول بویونو اینده.

ییلر کال واختیندا.

یمک اولماز دَیَنده.

(سنجه آچماسی ندیر؟  آچماسی: خیار).

بیر داغارجیق اونوم وار.

ایچینده بیر اوخلوو.

(سنجه آچماسی ندیر؟  آچماسی: ایده).

بیر تندیریم وار ایکی چورک توتور.

(سنجه آچماسی ندیر؟  آچماسی: جَوییز).

بو یانی تاختا ، او یانی تاختا.

یومرو بئی اوتاقدا.

(سنجه آچماسی ندیر؟  آچماسی: فیندیق).

چولو ساری ، ایچی داری.

(سنجه آچماسی ندیر؟  آچماسی: انجیر).

بیر دامیم وار.

تک دیرَکلی.

(سنجه آچماسی ندیر؟  آچماسی: قوبَلَک).

آغزین آچار ، زهر ساچار.

اونو گورن گِری قاچار.

(سنجه آچماسی ندیر؟  آچماسی: ایلان).

گئدر ، گئدر ایاغی یوخ.

آدام اولدورر ، الی یوخ.

کوینکی وار ، تیکیشی یوخ.

یومورتا سالیر توکو یوخ.

(سنجه آچماسی ندیر؟  آچماسی: ایلان).

آلتی تاختا ، اوستو تاختا.

بئی اوتوروب اوتاقدا.

قویون دئیل ، اوتلاییر.

تویوق دئیل ، یومورتلاییر.

(سنجه آچماسی ندیر؟  آچماسی: توسباغا).

گوندوز یاتار یووادا.

گئجه گئزر اوبادا.

(سنجه آچماسی ندیر؟  آچماسی: گئجه قوشو ، یاراسا).

ناغاراچی ناغارا چالیر.

نه ناغاراسی وار ، نه چوبوغو.

(سنجه آچماسی ندیر؟  آچماسی: آغاجدَلَن).

قانادی وار قوش دئیل.

دیشله ییر ، ایلان دئیل.

(سنجه آچماسی ندیر؟  آچماسی: میغمیغا).

یازدا ییغیر یمه غینی.

چوخ سویر اوز امه یینی.

ییب یاتیر یازادک.

ندیر آدی تاپیم گورک؟

(سنجه آچماسی ندیر؟  آچماسی: قاریشقا).

بالاجا قویو.

ایچینده سویو.

آغجادان آغدی.

ساریدان ساری.

(سنجه آچماسی ندیر؟  آچماسی: یومورتا).

ننه یه دیمز ، بابایا دیر.

خالایا دیمز ، بیبیه دیر.

الله ها دیمز بیلله ها دیر.

(سنجه آچماسی ندیر؟  آچمسی: دوداقلار).

آغ قیز چمده اوزانیر.

(سنجه آچماسی ندیر؟  آچماسی: دویو).

گویدن بیر دری توشدو.

تویوق اونا یوروشدو.

(سنجه آچماسی ندیر؟  آچماسی: توت).

یئر آلتیندا قیللی باش.

(سنجه آچماسی ندیر؟  آچماسی: سوغان).

دیلبر زندان دا ، ساچی ایوان دا.

(سنجه آچماسی ندیر؟  آچماسی: پازی).

آخشام دوغولار.

سحر یئر اووار.

آخشام ییغیلار.

سحر داغیلار.

(سنجه آچماسی ندیر؟  آچماسی: جوجه).

باشی داراغی.

قویروغو اوراغی.

(سنجه آچماسی ندیر؟  آچماسی: خوروز).

بئلده قورشاق گوی اولار.

دیکسن داشدان آی اولار.

او هانسی آغاجدیر کی.

هر فصل ده گوی اولار.

(سنجه آچماسی ندیر؟  آچماسی: شام آغاجی (درخت کاج).

هردن اییلر ، هردن قالخار.

همیشه بیزی قاباخلار.

(سنجه آچماسی ندیر؟  آچماسی: کولگه).

نه یئرده دی ، نه گویده.

نه گویده دی ، نه یئرده.

(سنجه آچماسی ندیر؟  آچماسی: پنجره).

ککلیک داشدا گئزر.

قلم قاشدا گئزر.

گورسن او ندیر کی.

همیشه باشدا گئزر؟

(سنجه آچماسی ندیر؟  آچماسی: آغیل).

عزیزیم قارا ندیر؟

قاش اوسته قارا ندیر؟

قونو گوی ، ات قیرمیزی.

سومویو قارا ندیر؟

(سنجه آچماسی ندیر؟  آچماسی: قارپیز).

قات قالاسی.

جان پیالاسی.

اوچدو آناسی.

قالدی بالاسی.

(سنجه آچماسی ندیر؟  آچماسی: سامان – بوغدا).

گوندوزلر دولانیر.

گئجه لر آغزی آچیق یاتار.

(سنجه آچماسی ندیر؟  آچماسی: باشماق).

ات دیره یین باشیندا.

دمیر دشیکلی پاپاق.

(سنجه آچماسی ندیر؟  آچماسی: اوسکوک (انگشتانه).

منبع: وبسایت بالا ، برگردان ترکی آذربایجانی : حسین خیری ، نشر دیجیتال : ائل اوبا