نشریه الکترونیکی ائل اوبا

و من آیاته خلق السّموات و الأرض و اختلاف ألسنتکم و ألوانکم إنّ فی ذلک لآیات للعالِمین

بد نظر


لینک مطلب : http://eloba.ir/?p=3695

تبریز دؤوره سینده «اینچه دره» آدیندا بیر کند وار. بو کندین اهلیندن بیری دئییردی :

منیم یوز اون یاشیندا بیرآتام وار . دئیر : قدیم زامان دؤرد گون دال با دال کنده یاغمور یاغدی.

داغین باشیندا بیر بؤیوک قایا وار ایدی. یاغمور بو قایانین آلتین شوملاتدی و قایا دیغیرلانیب گلیب یولو توتدو. جماعت ییغیشار ، نئچه کندیر و سئجیم گتیریب بیر اوجلارینی داشا و بیر اوجلارینی دا مال – حئیوانا باغلاییب سوررلر.

ایپ لر دوام گتیرمه ییب قیریلار و داش یئریندن ترپنمز. هر نه ائیلیه یرلر چاره اولماز ، کند اهلیندن بیری دئیر: فیلان کندده بیر بد نظر وار ، گئدین اونو گتیرین. بیر گوجلو شام ائششگی وار ایدی ، اونو مینیر و گئدیب بد نظری گتیررلر.

بد نظر داشا باخیب دئیر : پح ، نه بؤیوک داشدیر !!!

داش آرادان پارچالانیب ایکی بؤلونر. بیر پارچاسی اویانا ، بیر پارچاسی بویانا دوشر.

داشین تیکه لرین چکیب یولو آچارلار .

 

قایناق : ائل بیلگی ثروتیمیز ، یازان : علی ظفرخواه ، انتشارات یاران ، دیجیتال یایینجیلیک : ائل اوبا