قاپی میزدان گئشدی یار

آغ گیوه گئیمیشدی یار

سلدیم سس وئرمه دی

ائله بیل کوسموشدو یار

149

گئدیرسن هارا دلبر ؟

قاش گؤزو قارا دلبر

رحم ین گلسین گل ائیله

دردیمه چارا دلبر

149

کمندین آتان تئللر

عاشقین ساتان تئللر

ال وورما چالار سنی

قیوریلیب یاتان تئللر

149

سماواری آلیشدیر

ماشا گتیر قاریشدیر

یاریم منده ن کوسوبدور

اونو منله باریشدیر

149

عزیزیم ندن گلمیر

غربته گئدن گلمیر

هامی گئدنلر گلدی

منیمکی ندن گلمیر

149

من عاشیق ایری داغلار

دوز داغلار ایری داغلار

گوزلرین دوز داغ چکر

قاشلارین ایری داغلار

149

خراسان دا اوزوم وار

گئتمه قئییت سوزوم وار

دونیانی گوزل آلسا

منیم سنده گوزوم وار

149

گئدن گئتمه دایان ، دور

حالیم سنه عیاندیر

گلیشیوه من قوربان

گئدیشین نه یاماندیر

149

آغاج باشی بار ایستر

خسته جانیم نار ایستر

او واخدان اوشاق ایدیم

ایندی گویلوم یار ایستر

149

کباب یانار کؤز آغلار

دیل آلیشار سؤز آغلار

یار – یاردان آیری توشسه

اوره ک یانار گؤز آغلار

149