دومان یئندی داغلارا
شئه دوشدو یاپراقلارا
سوروشسالار یاریمی
قاریشدی توپراقلارا
عزیزیم گوزوم آنا
اوره گیم سوزوم آنا
آیریلیغین اودونا
من نئجه دؤزوم آنا
بو قالا داشلی قالا
چینقیل لی داشلی قالا
قورخورام یار گلمه یه
گؤزلریم یاشلی قالا
نفس وار جان دورونجا
اورگده قان دورونجا
یورولوب جانا گلدیم
قانمازی قاندیرینجا
آی دوغدو دوشدو چایا
جمالین بنزه ر آیا
جوان عومروم چورودو
گون لری سایا – سایا
بولوت یوخ باخ سمایا
اولدوز تک آخ سمایا
ذره جه اوزون گورسم
کـــافرم باخســام آیــا
بوداغلارین باشینا
کهلیک گونار داشینا
ماهر اووچو دوز وورار
اوخو آتماز بوشونا
من عاشیق بدن یانا
پروانا نه دن یانا
یاخشی یولداش یامان گونده
چکیلر نه دن یانا
عزیزیم گولن اولسا
گؤزیاشین سیلن اولسا
جوانلیق یاخشی شئی دیر
قدرینی بیلن اولسا
من عاشیق آزادام دا
قولام دا ، آزادام دا
مال اولار چوخ آدامدا
آداملیق آز آدامدا
مطالب جالب
ضرب المثل های ترکی – الف
آذربایجان ادبیات تاریخینه بیر باخیش (2)
بایاتی – دو بیتی ترکی آذربایجانی