نشریه الکترونیکی ائل اوبا

و من آیاته خلق السّموات و الأرض و اختلاف ألسنتکم و ألوانکم إنّ فی ذلک لآیات للعالِمین

ایشی – خسته قاسیم


لینک مطلب : http://eloba.ir/?p=1036

آدام وار کی اؤزگه لره لاغ ائیلر

فیکیر وئرسن عیبه جردی هر ایشی

هر مجلیسده اؤز یئرینی تانیماز

ائل یانیندا اولماز اونون ارزیشی

 

نامرد جهدی اونو مرده یئتیرمز

قوناق گلسه پارا چؤرک گتیرمز

اوت کؤک اوسته بیتر ، اصلین ایتیرمز

اینانمیرسان ائیله گیلن تفتیشی.

یالان سؤز بعضینه شوکت دی ، شاندی

آخشام سؤز دانیشیر ، سحر پئشماندی

یئیر نان و نمک گئدر دوشماندی

ائله آدام نه آرواددیر ، نه کیشی

” خسته قاسیم ” سن دوشمانین آتگینان

متاحینی خریدارا ساتگینان

شاهی مردان دامنیندن توتگینان

آللاهی سن چاغیر ائتمه تشویشی

 

تفتیش: آختاریش – تحقیق

تشویش: اضطراب