نشریه الکترونیکی ائل اوبا

و من آیاته خلق السّموات و الأرض و اختلاف ألسنتکم و ألوانکم إنّ فی ذلک لآیات للعالِمین

امام حسین علیه السلام سعد اوغلونون اوردوسونون اورتاسینا هجوم ایتدی


لینک مطلب : http://eloba.ir/?p=2319

قاضی اوغلو

ائل اوبا – بو اولایلاردان صونرا امام حسین علیه السلام بیر آسلان گیبی باباسی علینین ، عمیلری حمزه و جعفر طیارین قانلاری داماریندا قه ینییب جوشتوغدا  سعد اوغلونون اوردوسونون اورتاسینا هجوم ایتدی. قارشیسینا گله نی جهنمه گونده ریردی.

دوشمان عسکرلری چیویرکه گیبی امامین قارشیسندا داغیلیردی.

راوی دییری :

« اللها آند اولسون حسین گیبی مصیبته اوغرایان بیر کیمسه نی گورمه دیم. اوغوللاری ، دوستلاری گوزلری ئوگونده ئولدورولدوغو حالدا ، قاهرامانجا صاواشیردی و هیچ بیر کیمسه قارشیسینا چیخه بیلمیردی».

داها صونرا امام علیه السلام گوره رکه ن دوشمان اوردوسوندان بیر تاخیم عسکر ، آج صوصوز و سلاحسیز ارواد اوشاغلارین چادیرینا هجوم ایتمه غ ایستیردی .

یوکسه ک بیر سه سله چاغیردی :

« لاحول و لا قوه الا بالله علی العظیم ، وای اولسون سیزهای سفیان جماعته ی اگر دینینیز یوخ ایسه میعادتان دا قورخمیرسانیز دنیانیزدا آزیندان حر اولون ، اگر عربسه نیز اینانجینیزدا بونادیر اصلینیزا دنون. من سیزینله صاواشیرام سیزده منیمله ، آرواد اوشاغلارین نه صوچو وار .

حیات دا اولدوغومجا ایچینیزده کی ظالملارا منیم آرواد اوشاغیما هجوم ایتمه له رینه اذن ویرمه یین ».

آییرد سیز انسان سه لینین اورتا سنیدا یاپا – یالنیز قالان قاهرامان ، صاواشتیغجا سانکی بویله سویلیردی :

 

ییگیدلرین هر زامان آغ ، نازلی بایراغییم

حریت ده نیزینین قوروماز بولاغییم

ییگیدلر قوجاغیندا بسله ندیم هیچ قورخماریم

بابام صاواش آسلانی من اونون دایاغییم

قیلیجلر گوممه ز منی ئولولر دیاریندا

بیلیمده حق یوکونون ایشیغ چاغلار داغییم

انسانلیغا هر زامان ییشیل روحلر ویره ریم

یوره گلرده بولوتوم یارینین چاناغییم

یارینین اته گینی بو آل قانیم یه شه ردیر

بو قومو داغلار چولده تاریخین چیراغییم

آلاجاغدیر قانیمدان هر صولغون گول ره نگینی

هر گوزون هر یوره گین یاراسییم داغییم

قانیمسیز ایشیغلانماز نه شفق نه ده یارین

هر صباحین مومویم هر حقین چاخماغییم

من ییشیلیم ، ییشیل ده قالاجاغدیر دیله گیم

اجلارین چیپلاغلارین یاز قیش ته چارداغییم

قانیمین هر داملاسی بین قاهرامان توره دیر

قیلیجیم صو دامجیلار یارینین بایراغییم

 

بو صیرادا تاریخین ئولمه ز قاهرامانی آغیر و سیجاغ بیر صاواشا یاپایالنیز گیریشمیشتی. ایلک که ره مظلوملارین و حرلرین باش تاجی امام حسین علیه السلام ئوزونه بیر ایچیم صو ایسته دی. آمما دوشمان اوردوسوندان بیری دیدی :

« ای حسین واللاهی سنی صوصوز ئولدوره جه غیغ ، و فرات چاییندان دا بیر داملا صو داتمایاجاغسان ».

او حالدا امامین بدنینه ، اوخلار ، صاپا دوزولموش مونجوغ گیبی دوزولموشتو ، و قیلیجلر ده امامین بدنینده بیرصاغ ییر قویمامیشتی.

بو صیرادا امامین باشینا دوشمان عسکرنین بیرسی بیر داش ووردو داها صونرا اوچ پرره لی بیر اوخ یوره گینین باشیندا اوتوردو ، امام حسین علیه السلام چاغیردی :

«بسم الله و بالله و علی مله رسول الله».

صونرا باشینی گوگه قالدیریب بویوردو :

ای اللهیم سن بیلیرسه ن بولارین ئولدوردوغلری کیمسه دن باشقا ییر یوزونده پیغمبرینین قیزینین اوغلو یوختور. الینی اوزادیب یوره گینده کی اوخو بیلینده ن چیقارتدی ، صو گیبی قان آخمایا باشلادی ، امام حسین روح و حیات دولو قانیلا الینی دولدوردو ، اونو گوگه سه پیپ بویوردو :

« ای اللهیم ئولومو قولای ائت منه و پیغمبرینله بو حالدا گوروشمه غ استیره م». قانین آخماسیلا امام گوجونده ن دوشتو ، بو صیرادا بیریسی اماما چیرکین سوزلر دیدیغجه امامین باشینا قیلیج ووردو. امام ییره دوشونجه ، عسکرلر اونون اطرافینی ساردیلار.

مبارک قانی صو گیبی آختیغجا سانکی بویله سویلیردی :

ئورتون ای توز طوپراغلار یارامی ییل گوره رسه

ییتیره یر مدینه یه بو آجی خبریمی

گیجه نین ئورتوسونده گیزله ن ای باشسیز بدن

گورمه سین آنام زهرا یارالی جیگه ریمی

قلبیمه چوکه ن اوخلار جانیمی سه ره ند ایتدی

قویمادی صاغ ییر قالسین ، گیزلییم آزاریمی

دونون ای صوصوز قوشلار بابامین دیارینا

آرخامدا هر حر انسان په رره لر دفتریمی

باشیمی یاران قیلیج انه ر که ن داماریما

خنه له دی ظفرین ره نگیله هر ییریمی

قایناق : کربلا اولایلاری – یازان : قاضی اوغلو – عربجه مقرم مقتلینده ن سه چمه لر

ائل اوبا