اوردونون صاغ قولو و مسلم بن عوسجه

 

ائل اوبا – بویله جه امامین اصحابی گیتدیغجه ازالماغا و شهیدلرین صاییسی دا چوخالماغا باشلادی. داها صونرا صاواش بیر – بیر باشلادی و امام حسینین اصحابینین هر بیری او جماعتین بیر نچه نفرینی ئولدوردو.

بو صیرادا سعد اوغلونون اوردوسوندان اولان عمرو بن الحجاج الی آلتینداکی عسکرلرله امامین اصحابینین ساغ قولونا هجوم ایتدی. امامین اصحابی اولارین قارشیسیندا بیر داغ گیبی دوردولار.

و اولاردان بیر نچه نفری ئولدوردولر صونرادان امامین اصحابی اولارین اوزه رینه اوخ یاغدیردیلار و گوگه یوکسه له ن توز تورپاق یاتیشینجا امام حسینین اصحابیندان مسلم ابن عوسجه نین آغیر یارالی اولماغی گوروندو.

امام حسین علیه السلام ایله حبیب ابن مظاهر ، اونون یانینا گلدیلر … امام علیه السلام اونون حقینده دعا ایده ر که ن . حبیب ابن مظاهر ده بویله دئییردی :

سنی بو حالدا گورمه غ منه چوخ گوج گلیر. اما سنی جنتله موشتولوروم آرتیق سنده ن صونرا قالاجاق اولسایدیم وصیتین و دیله دیغینی ییرینه گه تیرمیش اولاردیم.

مسلم ایسه دئدی ای حبیب تک وصیتم بودور سنه :

امام حسینده ن و یاردیمیندان و ازگیچمه و حیات تا اولدوغونجا اونا یاردیم ایت. بو سوزلرده ن صونرا جانینی اللها ویردی.

 

اوردونون صول قولو و عبدالله ابن عمیر

 

داها صونرا . عمر سعد اوغلونون عسکری امام حسینین اصحابینین صول قولونا هجوم ایتدی بو هجومدا عبدالله ابن عمیر الکلبی اسیر دوشتو. عبدالله اسیر دوشه ر – دوشمه ز اونون بدنینی قیلیجله پارچالادیلار.

آروادی ام وهب میدانا گیتدی و کیشیسینین دوغرانمیش بدنینین یانیندا اوتوردو یوزونون قانینی سیله ر که ن دئدی : ای عبدالله جنت سنه مبارک اولسون.

سنه قسمت اولان جنتی ده الله منه قسمت ایده یدی. بو آروادین سوزلرینی شمر ایشیده ر که ن کوله سینه او آروادین ئولدورمه غینی امر ایتدی . کوله ده شمرین امری اوزه ره او ییگیت اروادی ئولدوردو. بویله جه ام وهب عاشورا گونو ئولدورو له ن ایلک آرواد اولدو.

داها صونرا شمرین کوله سی عبداللهین باشینی بدنینده ن آییردی و اونو امام حسینین چادیرلارینا دوغرو اتدی عبداللهین آناسی ، اوغلونون باشینی قوجاغینا سیقیب یوزونو ئوپه نده ن صونرا الینه بیر چادیر دیره گی الدی و دوشمانا هجوم ایتمه غ ایسته دی.

امام حسین علیه السلام بو دورومو گورونجه بویوردو :

« اهل بیته یاردیم ایتدیغینیز ایچین الله یوزونوزو آغ ایتسین. دون اروادلارین یانینا . جهاد اروادلارین اوزه رینه واجب ده گیل ».