نشریه الکترونیکی ائل اوبا

و من آیاته خلق السّموات و الأرض و اختلاف ألسنتکم و ألوانکم إنّ فی ذلک لآیات للعالِمین

امام حسینین مدینه ده ن مکه یه یوروشو


لینک مطلب : http://eloba.ir/?p=500

امام حسین علیه السلام یزیده بیعت ایتمه مه غ ایچین 60 نجی هجری ایلینده رجب آیینین 28 نجی گونونده مدینه ده ن مکه یه یوزله شتی.

اوصیرادا کوفه خلقی حسینین مکه یه گلدیغینی و یزیده بیعت ائتمه مه غینی ائشیدینجه ، سلیمان الخزاعینین ائوینده توپلاندیلار، سلیمان کوفه لیلرین باش چکنلرینه بویله دئدی:

«ای کوفه لیلر، هپینیز بیلیرسینیز معاویه ئولدو و اوغلو یزید اونون یئرینه اوتوردو. حسین ده اونا بیعت ائتمه میش و بنی امیه شریندن اوزاغلاشماغ ایچین ، اللهین ائوینه صیغینمیش، سیزلر اونون آتاسینین یولداشلاریسیز ، بوگون حسین سیزین یاردیمینیزی گؤزلور.اونا یاردیم ائده جه غینیزه ، و دوشمانلاریلا صاواشاجاغینیزا ، اگر شبهه ایتمیرسینیز ، حاضیر اولدوغونوزو یازیب اونا بیلدیرین.

عکس تقدیردهاونو الدادیب یالنیز قویماین.بوسوزندن صونرا هپسی بیرلیغده اماما مکتوب یازیب ، و هرمکتوبون بیری ، بیر نئچه کیشینین امضاسیلا دورت مین مکتوب اماما اولاشتی.

امام حسین علیه السلام بونجا مکتوبون گلمه سینه گوره ، سس صداسیز بکله مه ده یدی ، و اولارین مکتوبلارینا جاواب وئرمیردی.

داها صونرا کوفه لیلرین ان سون مکتوبو اماما اولاشتی .

اولار مکتوبلاریندا ، بویله یازمیشتیلار:

بسم الله الرحمن الرحیم

حسین و آتاسی امیرالمومنین یولداشلاریندان ، علی اوغلو حسینه:

سلام علیکم

یولداشلارینیز سیزی گوزله مکده دیلر، و سیزدن باشقاسینی ایسته میرلر، ای پیغمبرین اوغلو باغلاریمیز یه شه رمیش ، میوه لریمیز یئتیرمیش ، اکین لریمیز گوگه رمیش ، آغاجلاریمیزدا یاشیل یاپراغلار آچمیش، بیزه دوغرو گل ، چونکو ساواشا حاضیر و سلاحلانمیش عسگرلرینه گلمیش اولاجاغسین.»

امام حسین علیه السلام پوستاچیلارا دئدی :«بومکتوبو کیملر یازمیشلار».

اولار دئدیلر: بو مکتوبو حجار ابن ابجر ، قیس ابن اشعث، زید بن الحارث ، شبث بن ربعی ، عمرو بن الحجاج ، و محمد بن عمیر یازمیشلار.