نشریه الکترونیکی ائل اوبا

و من آیاته خلق السّموات و الأرض و اختلاف ألسنتکم و ألوانکم إنّ فی ذلک لآیات للعالِمین

امام حسن علیه السلامین اوغلو عبدالله ین شهاده تی


لینک مطلب : http://eloba.ir/?p=2321

قاضی اوغلو

ائل اوبا – امام حسنين اوغلو عبدالله بو صیرا دا کوچوک یاشتا اولان امام حسنین اوغلو عبدالله عمیسینی دوشمان آراسیندا گوره ر – گورمه ز چادیردان چیختی عمیسی اماما دو غرو یوزله شتی. بوآندا دوشمان عسکرینده ن بیریسی امام حسینین باشینا قيلينجين انديرمه غ ایسته دیغینده، عبدالله بونو گورونجه یوکسه ک سه سله چاغيردى:

(الله سنی ئولدورسون ای حرام زاده اوغلو حرام زاده… عمیمی ئولد ورمه غ ایستیر سه ن؟)

او ظالم کیشی عبداللهین سوزونه قیزه رکه ن قیلیجینی عبداللها دونده ردیغینده اونون الینی بد نینده ن آیردی. بو کوچوک اوشاغ چتین بیر اینجیگ دویونجا، یوزونو عمیسی امام حسینه دونده ریب چاغیردی. (وای آنام وای بابام وای عمیم. قولوم که سیلدی…) ئوزونو امامین یارالی قوجاغینا آتدی.

امام علیه اونو یارالی باغرینا باسارکه ن بویوردو: (ای قارده شیمین کوچوک اوغلو دایان بو مصیبته، الله سنی بابالارینا قاووشتیراجاغدیر).

داها صونرا امام علیه ئوزونو و قارده شی اوغلونو سانکی بویله اوخشوردو:

بیلمه م هاردا سه وگیمی قارده شي اوغلو صاخلايام!

يوره گيمه هر یاندان اوخلار بين یول تاپيری

اوخلارین صیجاغلیغی ، داماریمی قوروتدو

صوصوزلوغون قیلیجی سه رت باغریمی چاپیری

یارالارین میزراغی داغیتدی گیزلریمی

آتلاریندا دیرناغی جانیمدان پای قاپیری

داها صونرا حرمله اونو امامین قوجاغیندا ئولدوردو…

امام حسین علیه السلام دوشمان اوردوسو آراسیندا یاپا یالنیز، بدنینین هپ ییری یارا ، قان دا جانینین هر ییرینده ن صو گیبی دام جیلی ردی، هیچ بیر کیمسه ده امامی ئولدورمه غه جرأت ایتمی ردی، بو صیرادا شمر دیدی نه ایچین دور موشسونوز، نه یی بکلیر سینیز…!

ملعون شمرین سوزو بی ته ر – بیتمه ز دوشمان عسکری هریاندان امام حسینین یارالی بدنی نه هجوم ایتدی، کیمی میزراق کیمی قیلیچ کیمیده، اوخ و داش ووردوغجا، امامین مبارک باشینا، کوسکونه چیگنینه آل آیاغینا و بوغازینا. بویله جه امامین مبارک جانینی پارچا پارچا ایتدیلر۔

هر ایکی الینی بوغازیندان فیشقیران قانین التیندا توتدو ، آوجوندا توپلانان قانی با شینا یوزونه آغ صاقالیناسور تدو و بویوردو:

(بوقانیما به له نمیش حالدا اللها قاووشاجاغام) سعد اوغلو بیریسینه دیدی : (وای اولسون سنه ئه ن آتیندان حسینی راحت ایله)

آو ظالم، حسینین باشینی که سمه غ ايسته دي، اما اونون بدنينه تيتره تمه گيردى گه رى دوندو – صونرادان، بیر روایته گوره شمر و آیری روایته گوره ده، سنان بن انس قیلیجینی حسینین بوغازینا دایارکه ن دیدی: آند اولسون اللها سنین باشینی بد نین ده ن ایراجاغام.

و بونودا بیلیره م سن پیغمبرین اوغلوسان، انا بابا طرفینده ن و هر که سته ن شرفلی و غیرتلیسه ن او ملعون صونرادان امامین مبارک باشینی بدنین ده ن آییر دی. او آندا امام حسین باباسی علی نه نه سی زهرا قوجاسی محمدی یادلادی. مبارک باشینی که ستیغلری آندا سانکی باباسی علی باشی اوزه رینده دورموشتو و اونا سانکی بویله دیدی:

دورای بابا چوخ آغلاما

یوره گیمه قان باغلاما

باجيم داغلی اوغلوم داغلی

بو داغلاری سن داغلاما

بدنیمین هپسی یارا

صاقین منی قوجاغلاما

قوی قانیما گونه ش وورسون

گوز یاشینلا چوروغلاما

قایناق : کربلا اولایلاری – یازان : قاضی اوغلو – عربجه مقرم مقتلینده ن سه چمه لر

ائل اوبا