eloba_leftnanner

امام حسین علیه السلام

ائل اوبا – صونرا امام حسین علیه السلام سعد اوغلونو چاغیریب گه لمه غینی ایسته دی. سعد اوغلو امام حسینین یانینا گلرکه ن امام علیه السلام اونا بویوردو :

« ای سعد اوغلو منی ئولدورمغینله بو حرام زادا اوغلو سنی ری و گرگان شهرینین والیسی ایده جه غینه هیچ اینانمارام.

ایندی الینده ن گله نی یاپ. شبهه سیز منده ن صونرا نه دنیادا و نه آخرت ته یوزون گولمویه جه غدیر ، کوفه اوشاغلارینین باشینلا اوینادیغلارینی و اونو داشا توتوغلارینی سانکی گوروره م »

سعد اوغلو امامین بو سوزلرینی ایشیدینجه غضبله گه ری دوندو.

حرین توبه سی

حر ابن یزید الریاحی امامدان بو ده ردلی ، و هر دیری وجدانی تیتره ده ن سوزلری ، ایشیدینجه ، سعد اوغلونون یانینا گلیب دیدی:

ای سعد اوغلو سن حسینله گه ر چه ک گده ن صاواشاجاغمیسین ؟

سعد اوغلو دیدی : آند اولسون اللها باشلاری و قوللاری بدنلرده ن آیریلدان بیر صاواش ایده جه غه م.

حر بو سوزو ایشیندینجه دوستلاریندان آیریلیب بیر یانا چه کیلدی ، او حالدا بدنینه تیتره تمه گیردی.

مهاجر بن اوس دیدی : ای حر سنین بوییگیتلیغینه گوره منی بدنینین یاپراغ گیبی تیتره مه سی شبهه یه سالدیردی.

حر دیدی : آند اولسون اللها ئوزومو جنتله جهنم آراسیندا گوروره م .

اللها آند اولسون بدنیم یاندیریلسادا جنت ته ن باشقا بیر شی سئچمه یه جه غیم.

بیر تورک گنجی اولان کوله سیله بیرلیغده آتینی اماما دوغرو سوره ر که ن چاغیردی :

« ای اللهیم سنه دونوره م توبه می قبول ائت ، چونکو پیغمبرینین اولادینی قورخوتدوم.

ای امام جانیم سنه قوربان اولسون سنی اینجیتدیم ایندی توبه م قبول اولورمو؟

 

امام دیدی : بلی الله سنین توبه نی قبول ایده ر.

صونرا دوشمان اوردوسویلا قونوشماغ ایچین امامدان اذن آلدی.

حر صاواش میدانینا انه نده ، یوکسک و حر بیر سه سله دیدی :

ای جماعت اننه نیز سیزه یاس قورسون. پیغمبرین اوغلونو چاغیردینیز و جانلارینیزی اونون یولوندا قربان ایده جه غینیزی بیلدیردینیز ، ایندی بورایا گلمیشکه ن آرانیزا آلیب اونا قیلیج چه کمیشسینیز. و فرات چایینین دا یولونو اونا باغلامیشسینیز حالبوکی اونون صویوندان یهودلر ، گاوورلار و مجوسیلر ایچیرلر ، و دویوزلاردا اوندا اوزورلر … بو صیرادا سعد اوغلونون اوردوسوندان بیر نچه نفر اونو اوخا توتدولار . بو حالدا حر گه ری دوندو.