هر گئجه م اولدی کدر ، غصه فلاکت سنسیز

هر نفس چکدیم هدر گئتدی او ساعت سنسیز

 

سنین اول جلب ائلیین وصلینه آند اولسون اینان

هجرینه یاندی جانیم یوخ داها طاقت سنسیز

 

باشقا بیر یاری نئجه آختاریم ای نازلی ملک

بیلمیرم سنده دئدین یوخ یارا حاجت سنسیز

 

سن منیم قلبیمه حاکیم سنه قول اولدی کؤنول

سن عزیز سن من اوجوز بیر هئچم آفت سنسیز

 

نه گؤزوم وار آراییم من سنی بختیمده کی یوخ

نده بیر قاچماغا وار منده جسارت سنسیز

 

سن نظامی دن اگر آرخاین اولساندا کؤنول

گئجه – گؤندوز آراییب اولمادی راحت سنسیز