نشریه الکترونیکی ائل اوبا

و من آیاته خلق السّموات و الأرض و اختلاف ألسنتکم و ألوانکم إنّ فی ذلک لآیات للعالِمین

آشیق اویونو


لینک مطلب : http://eloba.ir/?p=6163

آشیق اویونو ـ قویونلارین و کئچی‌لرین آرخا ایاقلاریندا اولان دؤرد اوزلو سوموکله اوینانان اویون. بو چوخ قول قانادلی بیر اویوندور.

آذربایجاندا قوللانیلان ترمینلری بونلاردیر:

اونقا، دانقا، زیققا، توققا، تاوا، آلچی، توخان، جیک، بؤک، اومما میده، خوما، سوجوماق، هؤل، سو، خیلان، پیریک، آلچی.

آشیق،جوت دیرناقلی حیوانلارین دالی آیاقلارینین دیز سوموگوندن چیخاردیلان و دؤرد اوزو دَییشیک شکیللری اولان سوموگون آدیدیر.

آشیق اویونو، آشیق سوموگو ایله اوینانان اویون تورلرینه دئییلیر. اویون قویون آشیغی ایله اوینانماقدادیر. قویون آشیغی کیچیک و یئره دوشدوگونده هر اوزو اوزرینده دورا بیلدیگی اوچون ترجیح ائدیلیر. کئچی آشیغی ایله ده اویون اوینانار. دوه آشیغی ایله اویون اوینانماز چون بئله اینانج واردیر کی دوه آشیغی هر ائوده اولسا او ائودن اؤلو چیخار!

آشيق سوموگونون شكلي و دوشدوگو حالتلره گؤره ان اسكي دوورانلاردان بري اينسانلار ايچره، اؤزلليكله كاهينلر، منجملر و فال‏باخيجيلاري اوچون اؤنملي اولموش. بير چوخ بدوي و ايلكر مدنيتلر ايچره فالچيلار بير نئچه آشيق سوموگو ايله گله‌جگي آچيقلارميشلار.

«ماحمود کاشغرلی» نین 1000 ایل اؤنجه یازیلمیش «دیوان لغات الترک» ده‌کی شکلی “Aşuk”دور.

اوغوزلارین ان اسکی آبیده‌سی اولان «دده قوروقود» کیتابیندا دا آشیق اویونوندان سؤز گئدیب:

مگر سلطانیم،گنه یازین بوغایی سارایدان چیخاردیلار. اوچ کیشی ساغ یانیندان، اوچ کیشی سول یانیندان دمیر زنجیرله بوغانی توتموشلاردی. گلیب اورتاسیندا قویو وئردیلر. مگر سلطانیم، دیرسه خانین اوغلانجیغی اوچ دخی اوردو اوشاغی میداندا آشیق اوینارلاردی….

بئله‌لیکله اوغوزلارین ایچریسینده آشیق اویونونون نه قدر یایغین اولدوغونو و اؤنملی اولدوغونو سؤیله‌مک اولار.

 

بیزیم سولدوز