سوزی معنالی دی ، ئوزدن دانشما
باخ عشقه ، ایریدن دوزدن دانشما
یقین ایله گلوب زهرا بو یاسه
آماندی اوخ دگن گوزدن دانشما
عاشق مستم گره ک جانیم حسین وای سسله سین
روز عاشوراده وجدانیم حسین وای سسله سین
جنت اولسون زاهدون ، منده حسین دیوانه سی
قوی منیم باشدان آخان قانیم حسین وای سسله سین
ای وئرن حقه تجلی گوزل ایثاری حسین
ای شفاخانه اولان عالمه درباری حسین
دوتمشوق قانه باتان دامنووی حاجتیلن
ناامید ائتمه قاپوندان بو عزاداری حسین
محبت اهلی اودور حقه آشنالیق ایده
نگار مستی اولا گونده جانفدالیق ایده
یقین جواز بهشتی تاپار او عاشق که
یوزین قویا قدم زینبه گدالیق ایده
آدون ئیللردی منیم ورد زبانیمدی حسین
حرمون روضه ی معطور جنانیمدی حسین
مستی عشقوی سرمایه ی عمر ایلمیشم
نوکر اولماق قاپوا نام و نشانیمدی حسین
کربلا ذکری منیم تکبیر عشقیمدور حسین
گر سنون دیوانه وم ، تقدیر عشقیمدور حسین
آغ کفنده قرمزی قانیم یازار لبیک آقا
رشته عشقون منیم زنجیر عشقمدور حسین
ای حسین ای تشنه لب شورون دوشوبدور هر باشا
کوی اربابون سپر تپراقینی نوکر باشا
نوکر درباروام چاتمور الیم دامانووه
آلتی گوشه قبروون عکسین چکر خنجر باشا
یاحسین ای پاک آدین مین کعبه دن اعلا شهید
عشق میقاتونده آزدور اولسا گر دنیا شهید
باده ی عشقون آقا از بس منی مست ایلیوب
سسلرم هر یئرده من روحی فداک یا شهید
ایلدی گر حسن یوسف مردم کنعانی مست
اکبرون بیر قاره خالی ایلیوب دونیانی مست
یاده سال قانلی عبانی ، شوره گل فریاد ائله
وای علی اکبر صداسی ایلسون عشاقی مست
اهل درد و محنم شیون و شین عاشقیم
باشدان هر عشقی آتوب نام حسین عاشقیم
کربلا تپراقینی ئوپمگه واردور هوسیم
نام عباسیله بین الحرمین عاشقیم
به به اجرتون با امام حسین