گلمیشدیر عاشقلر یازی ، معشوق گلرخسار هانی؟!
باغلار دولوبدور یاریله ، بس سؤیله یین دلدار هانی؟!
خرمن بزنمیش پرقودان ، صحرا گؤزللشمیش همان
دنیالری ای یارادان ، زلف و جمال یار هانی؟!
جهجه ویرار بولبول لری ، کؤنول آچار غلفل لری
کیم گؤردوالوان گل لری ، تیکانسیز اولسون وار؟ هانی؟!
بولبول لر ائیلر هی فغان ، ناله ائدر دورمادان
دوغرو سؤزومه گل اینان ، دوستلاردا دوز ایلغار هانی؟!
گئچمیش گئچیب دور مختصر ، یوخدور او دوستلاردان اثر
بیرده حیاته سال نظر ، گئچمیشده کی دوستلار هانی؟!
چوخ باشلاردی اوددوزمان ، دوستلار اولوب گؤزدن نهان
مست اولدو عالم آه ، امان ، اطرافدا بیر هشیار هانی؟!
شادلیق باغیندا بیر سحر ، گلمز نظامی دن خبر
حیرتله هر کس سؤیله یر ، اول بولبول گلزار هانی؟!
مطالب جالب
ضرب المثل های ترکی – الف
آذربایجان ادبیات تاریخینه بیر باخیش (2)
بایاتی – دو بیتی ترکی آذربایجانی