نشریه الکترونیکی ائل اوبا

و من آیاته خلق السّموات و الأرض و اختلاف ألسنتکم و ألوانکم إنّ فی ذلک لآیات للعالِمین

حضرت مسلم مختارین ائوينده ن هانی بن عروه نین ائوینه گئدیر


لینک مطلب : http://eloba.ir/?p=3905

ائل اوبا – حضرت مسلم زیاد اوغلونون کوفه به گلمه گینی اونون چیخیشینی و اهالیدن يزيد لهينه سؤز آلدیغینی ائشیتدیکده مختارین انویندن چیخیب هانی نین ائوينه گئتدی.

هانی مسلیمی گؤروب ناراحت اولدو (عقیل اوغلو مسليمه اکراهلا یاناشدی) حضرت مسلم دئدی: منی قوناق ساخلاماق اوچون سنه اوز گیترمیشم.

هانی ، «آللاه سنه رحمت ائتسین» دئیه دیللندی.

«آغير بير تكليف انديرسن هرگاه منی امین بیلیب قاپیما گلمه سیدین ائویمدن چیخماغینی سئوردیم. لاکین ایندی بو ایشی گؤرسم منه آلچاقلیق گتیرر.

منیم کیمی بیر آدام سنین کیمی آدامی جهالتله قووماز ایچری گل.» بئله لیکله هانی جناب مسلیمی ائوینده ساخلادی.

شیعه لر عروه اوغلو هانی نین ائوینده او حضرتین زیارتینه گلیردیلر. دقيقا اون سگگیزمین نفر بیعت ائتدیلر.

مسلم امام حسین علیه السلاما بیر مکتوب یازیب عابس بن شبیب شاکی ده ن گؤندردی. مکتوبون مضمونو بئله دير :

عادل کیمسه اؤز اهلینه یالان دئمز. کوفه اهلیندن اون سگگیز مین نفر بیعت ائتمیشلر. بو مکتوب سنه چاتديقدا بورا یا گلمکده ته لس. هامی سنینله دیر. معاویه لیلرین طرفداری یوخدور. والسلام. قيد ائدیریک کی ، او بومکتوبر ۲۷ گون شهید اولمازدان اول امام حسین علیه السلاما گؤندردی.

معقل شامینین جناب مسلم عليهینه جاسوسلوغو

دیگر طرفدن زیاد اوغلو معقل آدلی غلامینی چاغیرتدریب اوچ مین درهم پول وئردی. سونرا اونا بئله بير امر وئردی:

عقیل اوغلو و اصحابینین یانینا گئت و بو پولو اونلارا وئریب دئگیلن کی، «بو پول دوشمنینيزله محاریبه ائتمک اوچون بیر یاردیمدیر » بو ایشینله اعتمادینی قازان و اونلارلا قال. اونلار ایسه سنه امین اولدوقلاری اوچون هئچ نه یی سندن گیزلتمزلر.

بئله لیکله معقل بؤیوک مسجده گئدیب گوردو مسلم بن عوسجه ناماز قيلير. اونون امام حسینه بيعت ائتدیگینی اهالیدن ائشیتمیشدی. نامازدان سونرا معقل اونا دئدی:

آی آللاهين بنده سی من شام دا کی ذی الکلاع ائلینین بنده سیم تانری منه اهل بیتی سئومگ و اونلارین دوستو ایله دوست اولماق نعمتینی وئریب.

بو اوچ مین درهم مبلغینده پولدور. پیغمبر قیزینین اوغلونا بيعت ائده ن بیر نفرین کوفه یه گلمگینی ائشیتمیشم. اونونلا گؤروشمک ایسته ییرم. لاکین اونو منه گؤستره ن بیر کیمسه نی تاپا بیلمیرم. هاچاندیر مسجده یم. سنین اهل بیتده ن خبرین اولدوغونو مسلمانلاردان انشید یب قوللوغونا گلدیم کی ، بو پولو آليب منی اونون یانینا آپاراسان ، من اونا بيعت اندم – ايسته يير سنسه اونونلا گؤروشمزدن اول سنه بيعت انديم. عوسجه اوغلو دئدی:

سنینله گؤروشدوگوم اوچون آللاها شکر ائدیرم. سنین ایستگینه چاتماغینا گؤره چوخ شادام. یقین کی آللاه سنین وسیله ن ایله پیغمبر اهل بيتينه کؤمک ائده جکدير.

لاکین سنينله بورادا و بو زاماندا ، بئله بیر ظالمین قورخوسو چوخ اولان چاغدا گؤروشمه گیم منی ناراحت اندیر.»

سونرا مسلم بن عوسجه اوندان بیعت آليب (او ایسه سؤز وئردی کی ، اونو راضی انده جک کیمی تبلیغ ائدیب و بو عهدی گیزلی ساخلايا ) دئدی:

«سنين اوچون آغام عقیل اوغلو مسلمدن گؤروش اذنی آلانا قدر منیم ائویمده قال» بئله لیکله عوسجه اوغلو معقله گؤروش اذنی آلیب او دا اهالیه قوشولوب عقيل اوغلونون یانینا گلیب گئتمگه باشلادی.

قایناق : کربلا ماجراسی ، روایت : ابو مخنف لوط بن یحیاداندیر ، نشر ائدن : اسلامی تبلیغات تشکیلاتی ، تدقیقاتچی : شیخ محمد هادی یوسفی ، چئویرن : شیخ عباس امامی کرکوکلو ، دیجیتال یاییمجیلیک : ائل اوبا