اؤنملی تاپینتیلار بیلگه خاقان و کۆل‌تیگین آنیدلارینا یاخین نومگون بؤلگه‌سین‌ده کشف ائدیلدی
اولوسلارآراسی تورک آکادمیسینین (TWESCO) طرفین‌دن موغولوستاندا ائدیله‌ن آرکئولوژیک قازینتیلاردا، آشینا خاقان سولاله‌سینه عاید دامغالار و آرسلان هیکللری تاپیلدی.
TWESCO باشقانی دارخان کیدیرالی، ۲۰۱۴دن بری موغولوستان دا قازینتی چالیشماسی ائتدیکلرینی، بو چرچیوه‌ده “شیوئت اوُلان” بؤلگه‌سین‌ده بیر چوخ آرکئولوژیک تاپینتینین، اورتایا چیخدیغینی سؤیله‌دی.
اؤنملی تاپینتیلار بیلگه خاقان و کۆل‌تیگین آنیدلارینا یاخین نومگون بؤلگه‌سین‌ده کشف ائدیلدیگینی ایفاده ائد‌ن کیدیرالی،
“بو ایل ایلک چالیشمامیزدا اورادان بیر خاقانا عاید اولدوغونو تخمین ائتدییمیز تاپینتیلار چیخدی. چوخ ساییدا بالبال داش، داشلاردا آشینا خاقان سولاله‌سینه عاید دامغالار، آسلان و اونون ایکی بالاسینین هیکلی وار” دئدی.
کیدیرالی، هیکللرین بو گونه قدر نادیر اولان تاپینتیلار اولدوغونا دقت چکه‌رک،
“هیکل چوخ یاخشی قورونموش. آیریجا بورانین بیر آنید اولدوغو اورتایا چیخدی. اورادا چوخ ساییدا سرامیک و قالینتی تاپیلدی. آنلاشیلان داها اؤنجه‌دن بیر خاقانا عاید بیر آنید” دئیه دانیشدی.
آنیدین زامانین‌دا تخریب ائدیلدیگینی و داشلارین ییخیلدیغینی آنلادا‌ن کیدیرالی، آنیدین یاشینی، دؤورونو و کیمه عاید اولدوغونو آراشدیراجاقلارینی سؤیله‌دی.
کیدیرالی، آنیدین بؤیوک بیر ساحه‌نی احاطه ائتدیگینه و اورادان داها چوخ ساییدا تاپینتینین چیخاجاغینا ایشاره ائد‌رک، “قازینتیلار داوام ائد‌جک، داها ۱۵ آنید و چوخ ساییدا بالبال داشین ایزلری وار” دئدی.
آرکئولوژیک قازینتیلارین، کئرولن بؤلگه‌سین‌ده ده داوام ائتدیگینی وورغولایان کیدیرالی، اورادا گؤک‌تورک دؤنمینه عاید تورکلرین قوتسال تورپاقلارین‌دان بیری اولدوغونو اثبات ائد‌ن چوخ ساییدا اشیانین چیخدیغینی بیلدیردی.
very good
بسیار عالی و کامل