نشریه الکترونیکی ائل اوبا

و من آیاته خلق السّموات و الأرض و اختلاف ألسنتکم و ألوانکم إنّ فی ذلک لآیات للعالِمین

تؤرکؤ بایاتیلار توپلومو – دوبیتی های ترکی


لینک مطلب : http://eloba.ir/?p=1951

داغلارباشی توتوندور

کیمین قلبی بؤتوندور

اییل اؤپوم اوزونده ن

دونیا اؤلوم ایتیمدیر

عزیزیم بیری گئدر

سو گلر دورو گئدر

یار یولونا باخماقدان

گؤزومون نورو گئدر

عزیزیم کیمی گؤزلر

تارچالان سیمی گؤزلر

قاشین کیمی قاش اولماز

گوزلرین کیمی گؤزلر

عاشیق اؤزون بولدورر

دئیه ر سؤزون بولدورر

منی آغلادان فلک

بیر گون آخیر گولدورر

من عاشیق آسان داغلار

مئه دومان باسان داغلار

غریبلر چتین گولر

آغلاسا هاساند آغلار

سودا بالیق یان گئدر

آچما یارام قان گئدر

حکیم گلسه اینیلده ر

اجل گلسه جان گئدر اودا منی یاندیریر

بودا منی یاندیریر

سویوندوم سویا توشدوم

سودا منی یاندیریر

گئدن گئتمه ایشیم وار

زرگرده گوموشوم وار

غربت یئرده ، یاد ائلده

قولو باغلی قوشوم وار

خار الیندن گؤل آغلار

گؤل آغلار بولبول آغلار

باغلارا خزان گلسه

یاش توکر سونبول آغلار

آنالار یانار آغلار

دردینی سانار آغلار

دؤنر گؤی گؤورچینه

یوللارا قونار آغلار

ائل اوبا