امام حسین علیه السلامين کوفه لیلره جوابی

قاصدلر امام حسین علیه السلامين یانینا توپلانیب ، حضرت مکتوبلاري اوخودوقدان سونرا کوفه أهلينه بیر مکتوب یازیب هانی بن هانی سبیعی و سعید بن عبدالله حنفیدن گؤندردی.

مکتوبون مضمونو بئله دير:

بسم الله الرحمن الرحيم ، على اوغلو حسيندن مؤمنلره و مسلمانلارا : سون قاصد لرینیز هانی و سعید بورایا چاتدیلار.

مکتوبلارینيزدان هر شئي آیدین اولور یازمیشسینیز کی :

«امامیمیز یوخدور بیزه دوغرو گل بلکه تانری سنینله ، بیزی هدایت یولونا یؤنلده».

من قارداشیم و عمیم اوغلو همده اعتماد ائتدیگیم عقیل اوغلو مسلمی گوندردیم و اونا سیزین نظرینیزی و احوالنييزي منه یازیب گوندرمگی امر ائتمیشم.

هر گاه ، او سیزلرین نظرینی مکتوبلارنییزدا اولدوغو كیمی یازارسا یاخین زماندا سيزه دوغرو گله جگم.

اؤز جانیم اوچون امام ، کتابا عمل ائدیب ، عدالتله حؤکم سوره ن حاققا دایانان و اؤز نفسینی آللاها گؤره دوستاغا سالاندان باشقا بیر شئی دئییلدير . والسلام …

مسلم جنابلارینین سفری

امام حسین علیه السلام عمیسی اوغلو مسلمی ایسته ييب اؤزونون ناییبی عنوانیندا قیسی ، عماره نی و عبدالرحمانی اونا قوشوب کوفه به گؤندردی.

امام اونا ائتدیگی تاپشیریغیندا بویوردو : سنی پرهیز كارليغا ، اهالیه مهربان اولماغا همده بو ایشی گیزلتمگه امر ائدیرم. هرگاه کوفه لیلر صداقتله اطرافينا توپلانیب اطاعت انتسه لر. منه یاز گؤندر.

جناب مسلم مدینه یه گليب پیغمبر (ص) مسجد ینده ناماز قیلدی. اهل بیتی ایله وداع لاشیب ایکی نفر بلدچی ایله کوفه یه طرف یولا دوشدو.

يولو ایتیریب سوسوزلوغا دوشدولر. بلدچیلر سوسوزلوقدان اؤلدولر.

جناب مسلم امام حسین علیه السلامه يولدا مكتوب یازیر. جناب مسلم امام حسینه بیر مکتوب یازیب قيسدن گوندردی:

ایکی بلدچی ایله مدینه دن چیخدیق. یولو ایتیردیک. بلدچیلر سوسوزلوقدان اؤلدولر، بیز یولو داوام ائتدريب سویا چاتدیق و اؤلومدن قورتاردیق ، بو سو بطن الخوبیت آدلانان بر داریسقان يئرده دیر. من ایسه بو وضعیتی پیس طالعدن بیلیرم. صلاح بیلسه سنیز منی باغیشلاییب باشقاسینی گؤنده ره سنييز. والسلام.

امام حسین علیه السلامين مسلیمه جوابی

امام حسین علیه السلام جناب مسلمین جوابيندا يازدی:

منه مکتوب یازماغینین و استعفا ائتمگینین سببی قورخاقلیغیندان اولماغیندان قورخورام. امر ائتدیگیم کیمی یولونو داوام ائتدير . والسلام.

امام حسینین مکتوبو جناب مسلمه چاتدیقدا او حضرت مکتوبو اوخوتدوردو. مضمونوندان مطلع اولدوقدا مكتوب اوخویانا بویوردو:

بو (منیم استعفا ائتدیگیم) اؤزومدن قورخماغیمدان دئییلدیر.

بئله لیکله جناب مسلم و يولداشلاری یولا دوشدولر. طی سویونا چاتدیقدا اونلاردان بیری بیر اوو اوولادی…

جناب مسلم اووا باخیب دئدی: آللاه قویسا دوشمنلریمیزیده بو شکیلده اولدوره جه ییک.

قایناق : کربلا ماجراسی ، روایت : ابو مخنف لوط بن یحیاداندیر ، نشر ائدن : اسلامی تبلیغات تشکیلاتی ، تدقیقاتچی : شیخ محمد هادی یوسفی ، چئویرن : شیخ عباس امامی کرکوکلو ، دیجیتال یاییمجیلیک : ائل اوبا